ՔՊ-ի կեղծիքներից անցել է 3 տարի. քննությունը գնում է, նոր կեղծիքի ռիսկերը` ավելանում. «Ժողովուրդ»

20 Սեպտեմբերի, 2025

«Ժողովուրդ» օրաթերթը գրում է. «Այսօր՝ սեպտեմբերի 20-ին, տեղի է ունենում «Քաղաքացիական պայմանագիր» (ՔՊ) կուսակցության 7-րդ հերթական համաժողովը, որտեղ ձեւավորվելու է իշխող քաղաքական ուժի նոր ղեկավար կազմը։ Համաժողովին մասնակցում են շուրջ 1000 պատվիրակներ, որոնք ընտրելու են 42 թեկնածուներից 20-ին՝ որպես կուսակցության վարչության անդամներ։ Նոր վարչության ընտրությունից հետո, ըստ կանոնակարգի, կընտրվի նաեւ կուսակցության նախագահը։

Սակայն ՔՊ համաժողովը բովանդակային առումով լուռ հեղափոխություն է հենց կուսակցության ներսում։ Իշխող ուժը կարծես մերժում է իր նախկին «ես»-ը՝ հրաժարվելով նախկին խորհրդանիշներից, ավանդական լեզվամշակույթից ու նույնիսկ գաղափարական գծից։

Նորացված ՔՊ-ի ծրագրի հիմքում դրված է «Իրական Հայաստան» գաղափարական մոտիվը։ Սակայն այս մոտիվի ներքո ոչ թե զարգացվում է ՔՊ-ի նախորդ քաղաքական գիծը, այլ փաստացի մերժվում է։ Օրինակ՝ կուսակցության կանոնադրությունից հանվել է Արարատ լեռան նկարագրությունը, որը նախկինում զարդարում էր կուսակցության լոգոն ու դիտվում էր որպես ազգային տեսլականի խորհրդանիշ։

Այժմ, ըստ նոր տարբերակի, կուսակցության պատկերանշանում միայն երկու ձեռքերի սեղմումն է մնացել։ Կուսակցության ծրագիրն էլ գլխիվայր է` համեմատած նախորդ ծրագրին: ՔՊ-ն սեփական անցյալի փլատակների վրա նոր ճարտարապետություն է կառուցում։

Հիշեցում անցյալից

Ընտրակեղծիքները մերժող ՔՊ-ի նախորդ վարչության ընտրությունները խայտառակությունով ուղեկցվեցին, որը բացահայտեց «Ժողովուրդ» օրաթերթը դեռ 2022 թվականի նոյեմբերի 2-ին։
Ըստ «Ժողովուրդ» օրաթերթի աղբյուրների՝ կուսակցության վարչության ընտրությունները կեղծվել էին, որի վերահաշվարկից հետո վարչության կազմից դուրս մնացին ԱԺ ՔՊ խմբակցության ղեկավար Հայկ Կոնջորյանը եւ փոխվարչապետ Համբարձում Մաթեւոսյանը։ Նրանց փոխարեն վարչության կազմ անցան Արսեն Թորոսյանը եւ ԱԻ նախարար Արմեն Փամբուխչյանը։
Հրապարակել էինք, որ սկանդալը թիմի ներսում պայթեցրել էր Արսեն Թորոսյանը, որը կուսակցականներից մեկի` Տրդատ Սարգսյանի համակարգչում տեսել էր «ընտրական ցուցակ», որտեղ գրված էր՝ ով պետք է անցնի վարչության կազմ, ով՝ ոչ։ Թորոսյանը լուսանկարել էր այդ ցուցակը եւ պահանջել վերահաշվարկ, իսկ հետո սկսել էր բողոքարկել բոլոր հնարավոր մակարդակներով։

Հիշեցնենք, որ սա այն նույն կուսակցությունն է, որը տարիներ շարունակ քննադատել է ընտրակեղծիքներն ու լցոնումները, հիմա նույնն է անում` իր իսկ թիմի ներսում: Իսկ ԱԱԾ-ն 2022-ից մինչ օրս քննում ու քննում է այս գործը»։

Նմանատիպ նյութեր

Ավտովթար՝ Կոտայքի մարզում. մեկ տուժած կա

Ավտովթար՝ Կոտայքի մարզում. մեկ տուժած կա

Այսօր՝ նոյեմբերի 17-ին, ավտովթար է տեղի ունեցել Կոտայքի մարզում։ Ժամը 10։00-ի սահմաններում Երևան-Սևան-Իջևան ավտոճանապարհի 43-րդ կմ հատվածում բախվել են «Ford Transit» և «ԶԻԼ» մակնիշի բեռնատարները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով մեկ...

Ջեյմս Քեմերոնի հետ հանդիպումը չի կայանա

Ջեյմս Քեմերոնի հետ հանդիպումը չի կայանա

Mezzo Production-ը տեղեկացրել է, որ նոյեմբերի 23-ին Կարեն Դեմիրճյանի անվան մարզահամերգային համալիրում ռեժիսոր, սցենարիստ եւ պրոդյուսեր Ջեյմս Քեմերոնի հետ հանդիպումը եւ դրան հաջորդող համերգը չեն կայանա։ «Հասկանում ենք, թե որքան սպասված էր այս երեկոն, եւ անկեղծորեն...

Այնտեղ, որտեղ հայտնվել է ՆԱՏՕ-ն, երբեք ոչ մի լավ բան տեղի չի ունեցել.  Սերգեյ Լավրով

Այնտեղ, որտեղ հայտնվել է ՆԱՏՕ-ն, երբեք ոչ մի լավ բան տեղի չի ունեցել. Սերգեյ Լավրով

Ռուսաստանի արտգործնախարար Սերգեյ Լավրովը հայտարարել է, որ ՆԱՏՕ-ի հարևանությամբ գտնվող երկրները խոր ճգնաժամերի մեջ են հայտնվել դաշինքի՝ իրենց ներքին գործերին միջամտելուց հետո։ «Ամենուր, որտեղ ՆԱՏՕ-ն գործել է անդամ երկրներից դուրս, իրականացվել են ռազմական, բավական...

Արամ Վարդևանյանը ընդունել է Հայաստանում Հնդկաստանի արտակարգ և լիազոր դեսպանին

Արամ Վարդևանյանը ընդունել է Հայաստանում Հնդկաստանի արտակարգ և լիազոր դեսպանին

ԱԺ նախագահի տեղակալ Արամ Վարդևանյանը նոյեմբերի 17-ին ընդունել է Հայաստանում Հնդկաստանի արտակարգ և լիազոր դեսպան Թ. Արմսթրոնգ Չանգսանին։ Այս մասին հայտնում են ՀՀ ԱԺ-ից: Հանդիպմանը մասնակցել է ՀՀ ԱԺ Հայաստան-Հնդկաստան բարեկամական խմբի անդամ Արեգա Հովսեփյանը։ Ողջունելով...