«Այս իշխանությունները մենակ մեր պետության, պետականության հիմքերն ու ինքնությունը չեն այլանդակում։ Շատ տարօրինակ կարող է հնչել, բայց դուք նաև հակակոռուպցիոն պայքարն եք այլանդակում։ Հիմա կասեմ փաստերով։
Դուք օրենքի գերակայության, հարկային ստուգումների կեղծ լոզունգների տակ իրականում պետական ապարատի կողմից բացահայտ իրավական տեռոր եք իրականացնում։
Այս հարցումները, հարգելի՛ գործընկերներ, սիրելի՛ հայրենակիցներ, մի ամբողջ այսպիսի տրցակ հարցումներ են և պատասխաններ նախաքննական մարմինների հետ՝ պարզելու մի շատ պարզ հարցի պատասխան։
Ասում եմ՝ ասեք այն իրավական հիմքը, որով բազմաթիվ բիզնեսներ կապարակնքվել են։ Մի հատ իրավական հիմք եմ ուզել։
Տրցակը ես ձեզ արդեն ներկայացրեցի՝ ահռելի քանակի հարցումներ Քննչական կոմիտե, Հակակոռուպցիոն կոմիտե։ Ո՞ր հոդվածով։ Պատգամավոր եմ, հարցում եմ ուղարկել։
Նախ՝ դուք չեք հավատա, պարզվում է՝ Քննչական կոմիտեն փակել է բիզնեսները, բազմաթիվ բիզնեսներ փակել է, որ մի գեղեցիկ՝ Արարատյան դաշտի լուսապայծառ առավոտ, երբ Մասիսի սպիտակափառ գագաթը կփայլի վարդագույն շողերով, ուշադրություն, ՊԵԿ-ը ապացուցողական գործողություններ կկատարի։
20 օր բիզնեսները փակել են, որ ՊԵԿ-ը, ինչպես ասացի, մի գեղեցիկ օր գա, ի վերջո, և ապացուցողական գործողություններ իրականացնի»,- այս մասին այսօր՝ սեպտեմբերի 16-ին, հայտարարեց ԱԺ «Հայաստան» խմբակցության պատգամավոր Ագնեսա Խամոյանը։
Մանրամասն՝ տեսանյութում։
