«Հետաքրքիր մանրամասներ են պարզվում.

-Կա’մ ԱԱԾ-ում պայծառատեսներ ու ժամանակի մեքենա ունեցողներ են աշխատում, կա’մ Երևան քաղաքի ԸԻ քրեական դատարանը հետին ամսաթվով թույլտվություններ է տալիս օպերատիվ հետախուզական միջոցառումներ անցկացնելու համար, որովհետև տվել են այնպիսի տվյալներ, որոնց մասին պարզ էր դառնալու մեկ ամիս անց:

-Պաշտպան Խուդոյանը դատարանին միջնորդեց որպես վկա հրավիրել և հարցաքննել ՀՀ Քննչական Կոմիտեի նախագահ Արթուր Պողոսյանին և ՀՀ Գլխավոր դատախազ Աննա Վարդապետյանին:

Նրանք կատարել են հրապարակային հայտարարություններ, որոնց վերաբերյալ տվյալներ քրեական վարույթում առկա չեն:

Պետք է հասկանալ` այդ տվյալներն ինչպես են ձեռք բերվել, արդյոք եղել են օբյեկտիվ իրականության մեջ: Եվ եթե եղել են, ապա ինչու չեն ներառվել վարույթում:

-Գործի մեջ առկա են բազմաթիվ գաղտնալսումներ, որոնցում մեղադրյալները հորդորում են տարբեր անձանց և խմբերի ՉԿԱՏԱՐԵԼ որևէ հակաօրինական արարք, խաղաղ անհնազանդությամբ հայտնել անհամաձայնություն ներկա իշխանությունների գործունեությանը:

Այսինքն` և’ ԱԱԾ-ն, հետագայում նաև Քննչական Կոմիտեն, արդեն նաև Դատախազությունը փայլուն տեղյակ է, որ Բագրատ Սրբազանն ու իր հետ մեղադրվողները հակաօրինական արարք չեն կատարել կամ պլանավորել, սակայն ստիպված կամ հոժարակամ իրենք են կատարել ու կատարում օրենքի խախտում` անմեղ մարդկանց դեմ քրեական կեղծ գործ սարքելով:

Գալիք նիստին պաշտպանական կողմը կշարունակի ներկայացնել իր` հետազոտման ենթակա ապացույցների ծավալը, ինչպես նաև կքննվի քաղակտիվիստ Վահագն Չախալյանի խափանման միջոցը փոփոխելու հարցը:

18 արդարների գործով դատական նիստը տեղի կունենա փետրվարի 12-ին, ժամը 15:00-ին, Երևանի Ընդհանուր Իրավասության դատարանի Շենգավիթ նստավայրում (հասցե՝ Արշակունյաց 24/1)»։ա՝