Չեմ կարող ասել, թե երբ կավարտվի Ռուսաստանի և Ուկրաինայի միջև պատերազմը։ Միակ բանը, որ կարող եմ ասել, այն է, որ պատերազմը պետք է ավարտվի։ Ուկրաինայի նախագահ Վլադիմիր Զելենսկու հետ հանդիպման ժամանակ հայտարարել է ԱՄՆ նախագահ Դոնալդ Թրամփը։
«Զելենսկին նույնպես ասում է, որ այն պետք է ավարտվի, և Վլադիմիր Պուտինը կարծում է, որ այն պետք է ավարտվի։ Սա ավաղ ամենահեշտ կարգավորվող պատերազմը չէ, կան բազմաթիվ պատճառներ, թե ինչու է այն բռնկվել։
Մենք չենք ուզում, որ միջուկային հակամարտություն առաջանա, որի ընթացքում ամեն ինչ մոխիր կդառնա և կոչնչանա։ Հուսով եմ՝ կկարողանանք լուծել հակամարտությունը»,- նշել է ԱՄՆ նախագահը։
Հարցին՝ արդյոք համաձայնագիր կկնքվի, նա պատասխանել է. «Ոչ, ես երբեք դա չեմ ասել: Ես ասել եմ, որ մարդիկ շարունակ մահանում են, դա պետք է դադարեցվի: Այս հակամարտության մեջ երկու կողմերից էլ միլիոնավոր մարդիկ են զոհվել: Կարծում եմ՝ Վլադիմիր Պուտինը ցանկանում է, որ այդ սպանությունները դադարեցվեն»,- հավելել է նա։
Անվտանգության երաշխիքների մասին հարցին Թրամփը հայտարարել է. «Անվտանգության հարցերում վիթխարի օգնություն կլինի։ Շատ օգնություն կլինի։ Դա լավ կլինի։ Նրանք պաշտպանության առաջին գիծն են, քանի որ այնտեղ են։ Դա Եվրոպան է։ Բայց մենք նույնպես օգնելու ենք նրանց։ Մենք կներգրավվենք»։
Թեև ԱՄՆ ներկայացուցիչները խոստացել են Ուկրաինային տրամադրել 5-րդ հոդվածի անվտանգության երաշխիքներ, պարզ չէ, թե դա ինչ է նշանակում։
«Մենք կաշխատենք բոլորի հետ և կհամոզվենք, որ… դա արդյունավետ կլինի։ Մենք կաշխատենք Ռուսաստանի հետ։ Մենք կաշխատենք Ուկրաինայի հետ։ Մենք կհամոզվենք, որ դա արդյունավետ կլինի»,- ընդգծել է նա։
Հարցին՝ արդյոք Ուկրաինայի անվտանգության երաշխիքները կարող են ներառել ամերիկյան զորքերի մասնակցությունը, Թրամփը պատասխանել է. «Մենք ձեզ կտեղեկացնենք դրա մասին, գուցե այսօր ավելի ուշ։
Մենք հանդիպում ենք նաև մեծ երկրների յոթ ականավոր առաջնորդների հետ և կխոսենք դրա մասին։ Նրանք բոլորը կմասնակցեն, բայց օգնությունը շատ, շատ մեծ կլինի», — նշել է նա։
Թրամփը նաև նշել է, որ հանդիպումից անմիջապես հետո կզանգի Վլադիմիր Պուտինին․ «Ես հենց նոր անուղղակիորեն խոսեցի նախագահ Պուտինի հետ, և այս հանդիպումներից անմիջապես հետո այսօր կզանգահարենք միմյանց, և, հնարավոր է, եռակողմ հանդիպում ունենանք»։
