«Ալ-Ջազիրա» հեռուստաալիքը հայտնել է, որ նրա թղթակից Անաս ալ-Շարիֆը և այլ չորս լրագրողներ զոհվել են՝ կիրակի երեկոյան Գազայի քաղաքում Իսրայելի կողմից ուղղված հարվածի հետևանքով։ Հաևվասխը հասցվել է նրանց կացարանին՝ վրանին։
Հաղորդագրության մեջ ասվում է, որ «կիրակի ուշ երեկոյան Գազա քաղաքի «Ալ-Շիֆա» հիվանդանոցի գլխավոր դարպասի մոտ տեղադրված վրանի վրա հարձակման հետևանքով յոթ մարդ է զոհվել», այդ թվում՝ ալ-Շարիֆը և նրա չորս գործընկերները։
Հեռուստաալիքը ուշադրություն է հրավիրում այն փաստի վրա, որ մահից կարճ ժամանակ առաջ ալ-Շարիֆը X սոցիալական ցանցում գրել է, որ Իսրայելը կենտրոնացված ռմբակոծություն է սկսել Գազա քաղաքի արևելյան և հարավային հատվածներում։
Նրա վերջին տեսանյութի ֆոնում ուժեղ հրթիռային կրակի բարձր պայթյուններ են լսվում, իսկ երկինքը լուսավորվում է պայթյունների լույսերով։
Ավելի վաղ Իսրայելի անվտանգության կաբինետը հաստատել էր վարչապետ Բենիամին Նեթանյահուի առաջարկը՝ Գազա քաղաքը օկուպացնելու վերաբերյալ։
