«Իշխանություններից էնքան հիասթափված ու կուշտ եմ, որ չգիտեմ։ Ես ոչ մի անգամ չէի գալիս, իմ երեխու խաթեր եմ եկել, որովհետև գիտեմ՝ ամեն մի չնչին բանի համար կարող է հանկարծակի գան ու մի բան կպցնեն վրան։ Եկել եմ այստեղ, որ ապահով լինեմ, տունը նստած չէի կարող հանգիստ լինել։ Նախարարության շենքի մոտ, որ երեխուս զրպարտեցին, ոչ մի բան չէր արել, եկան ձերբակալեցին, տարան նստացրեցին․ գիշերը գնացել եմ դատարան, չեն թողել անգամ իմ երեխուն տեսնեմ, կալանավորել են։ Բարեկամները զանգեցին, ասում են՝ Արսենին ի՞նչ է պատահել․ անակնկալ եկա, չոքերս թուլացել էր։ Պատկերացրեք՝ ես այդ կորուստների տեր, էդքան վշտի տեր մարդ, ասում են, որ մյուս երեխուս արդեն ձերբակալել են»,- ԱԺ-ի դիմաց բողոքի ակցիայի ժամանակ ասաց տիկին Մարիամը, ում թոռը զոհվել է 44-օրյա պատերազմում, որդին՝ անհետ կորել, իսկ մյուս որդու՝ Արսեն Ղուկասյանի նկատմամբ քրեական գործ են հարուցել բողոքի ակցիա անելու համար։

Մանրամասն՝ տեսանյութում։