Իշխանությունների կողմից ընթանում են տեղապահ խամաճիկ-քահանայի փնտրտուքներ. Հայտարարություն

6 Օգոստոսի, 2025

«Հայոց եկեղեցու պահպանության համահայկական խորհրդի տեղեկություններով՝ պետական-քաղաքական կենտրոններից վարվում են գաղտնի բանակցություններ մի շարք քահանաների հետ՝ առաջարկելով նրանց զբաղեցնել «տեղապահի» դիրք՝ Հայոց Եկեղեցու գահակալի լիազորությունները քաղաքական վերահսկողության տակ վերցնելու նպատակով։ Նման «քահանայից տեղապահ, տեղապահից հովվապետ պատրաստելու» սցենարը սրբապղծություն է, իշխանազավթման փորձ և դավադրություն՝ ուղղված և՛ եկեղեցու կանոնական կարգի, և՛ Հայաստանի Հանրապետության սահմանադրական հիմքերի դեմ»։ Այս մասին հաղորդագրություն է տարածել Հայոց եկեղեցու պահպանության համահայկական խորհուրդը։

«Հիշեցնում ենք, որ եկեղեցու առաջնորդության հարցերը բացառապես կանոնական իրավասության դաշտում են։ Պետական կառույցի յուրաքանչյուր ներգրավում այդ գործընթացում համարժեք է հակասահմանադրական միջամտության։ Ցանկացած «տեղապահ»-ի քաղաքական նշանակում կնշանակի եկեղեցու ներսում իշխանության ապօրինի ինստալացիա, որի հետևանքը կդառնա խորը պառակտում և միջազգային հեղինակազրկում։ Այս գործընթացին մասնակցող պաշտոնյաները և միջնորդները կրելու են անձնական իրավական պատասխանատվություն՝ պաշտոնեական լիազորությունները չարաշահելու, խղճի և կրոնական ազատությունը խաթարելու, ինչպես նաև համայնքի նկատմամբ թշնամանք հրահրելու հատկանիշներով։

Դիմում ենք հոգևոր դասին. յուրաքանչյուրին, ում ուղղված է նման անպատվաբեր առաջարկ, հստակ հորդորում ենք մերժել այն։ Քահանան, որ համաձայնում է քաղաքական «տեղապահության», դուրս է գալիս եկեղեցու կանոնական հնազանդությունից և վերածվում է գործիքի՝ եկեղեցու ինքնավարության դեմ։

Այդպիսի քայլը գնահատվելու է որպես դավաճանություն ուխտին և համագործակցություն՝ եկեղեցու ներքին կազմը քայքայելու քաղաքական սցենարի հետ։

Զգուշացնում ենք պետական պաշտոնյաներին. եկեղեցու ղեկավարման վրա ազդելու, «տեղապահ» ներմուծելու կամ ընտրական ընթացակարգը «կարգավորելու» ցանկացած փորձ փաստաթղթավորվելու է և առաջ է տանելու ինչպես ներպետական, այնպես էլ միջազգային իրավական գործընթացներ։ Այս վայրկյանից սկսած՝ յուրաքանչյուր քայլ արձանագրված է։

Հայոց եկեղեցու պահպանության համահայկական խորհուրդը շարունակելու է գործող դիտարկումն ու փաստահավաք աշխատանքը՝ անհրաժեշտության դեպքում հրապարակայնացնելու ներգրավված անձանց ու շղթաների մասին տվյալները։

Պահանջում ենք դադարեցնել այս դավադրությունը»,–ասված է հայտարարության մեջ։

 

Նմանատիպ նյութեր

Բուլդոզերով ժողովրդավարություն․ «Ժողովուրդ»

Բուլդոզերով ժողովրդավարություն․ «Ժողովուրդ»

«Ժողովուրդ» օրաթերթը գրում է. «Նիկոլ Փաշինյանը երեկ գերազանցեց ինքն իրեն։ Խորհրդարանական ընդդիմությանը ներկայացնելով որպես խաղաղության խոչընդոտ՝ վարչապետը երկու ճանապարհ առաջարկեց, որոնք, իր իսկ խոսքով, կարող են մեկը մյուսի շարունակությունը լինել։ «Կա՛մ մենք հանրային...

Մոսկվան արմատական է տրամադրված. «Հրապարակ»

Մոսկվան արմատական է տրամադրված. «Հրապարակ»

«Հրապարակ» օրաթերթը գրում է. Մոսկվայում առավել քան արմատական են տրամադրված Նիկոլ Փաշինյանի նկատմամբ: Նա դեկտեմբերին 3 այց է կատարելու Մոսկվա` մասնակցելու ԵԱՏՄ միջոցառումներին՝ վարչապետական, նախագահական ֆորմատներով, ինչպես նաեւ՝ ՌԴ ղեկավարության հետ երկկողմ քննարկման։...

Պուտինն ու Թրամփը երկկողմ հանդիպում են անցկացրել Շենժենում

Պուտինն ու Թրամփը երկկողմ հանդիպում են անցկացրել Շենժենում

Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը երկկողմ հանդիպում են անցկացրել Շենժենում՝ Ասիա-խաղաղօվկիանոսյան տնտեսական համագործակցության (ԱԽՏՀ) գագաթնաժողովի շրջանակում: ԱՄՆ նախագահ Դոնալդ Թրամփը Պուտինի հետ հանդիպմանն ասել է, որ անհամբերությամբ...

Ծովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգը. «Ժողովուրդ»

Ծովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգը. «Ժողովուրդ»

«Ժողովուրդ» օրաթերթը գրում է. «Սպասվող ՏԻՄ ընտրություններում ամենաինտրիգային համայնքներից մեկը Սևանն է, որտեղ երեք թեկնածուների պայքարն աստիճանաբար վերածվում է գործող համայնքապետ Սարգիս Մուրադյանի դեմ համատեղ հակաքարոզչության։ Եվ ՔՊ-ն, և Վահրամ Գևորգյանը ունեն մեկ...

Նոր աշխարհակարգի շեմին. ի՞նչ է սպասվում Հայաստանին. «Փաստ»

Նոր աշխարհակարգի շեմին. ի՞նչ է սպասվում Հայաստանին. «Փաստ»

«Փաստ» թերթը գրում է. «Չինական Շենժեն քաղաքն այս օրերին դառնում է համաշխարհային պատմության վճռորոշ հասցե. այնտեղ սկսվել են ԱՄՆ-ի, Ռուսաստանի և Չինաստանի առաջնորդներ Դոնալդ Թրամփի, Վլադիմիր Պուտինի ու Սի Ծինփինի հանդիպումները: Միջազգային մամուլը Շենժենն արդեն իսկ...