Yerkir.am-ի խմբագիր Վահե Սարգսյանը ֆեյսբուքյան իր էջում գրում է.

— Ընտրություններին չկարողանալով լիարժեք խաբել ու մոլորեցնել հասարակությանը,
— չկարողանալով հայ ժողովրդի հոգուց ու մտքից ջնջել Արցախ-հայրենիքի հանդեպ պահանջատիրությունը, Հայոց ցեղասպանության՝ իբրև պահանջատիրության, պապենական Արևմտյան Հայաստանի՝ իբրև հայրենիքի, Արարատի՝ իբրև Սրբազան լեռան մշտավառ գաղափարն ու չստանալով անգամ պարզ մեծամասնություն,
— չկարողանալով կատարել Ալիևի սահմանած առաջադրանքները,
֊ սահմանադրական բաղձալի մեծամասնություն չունենալու արդյունքում միայնակ չկարողանալով ընդունել թուրք-ադրբեջանական ցեղասպան տանդեմի պարտադրած Սահմանադրությունը,
— չկարողանալով ժողովրդին մոլորեցնելու միջոցով ջնջել ՀՀ գոյության հիմնաքար Անկախության հռչակագիրն ու դրա վրա խարխսված հայոց նորանկախ շրջափուլի առաջին ու գործող Սահմանադրությունը,
— չկարողանալով կասեցնել հայոց նորանկախ հանրապետության հայկական ընթացքն ու «խաղաղության» մասին խաբեությամբ այն դնել Ալիևի հայաջինջ ռելսերի վրա,

սույն անձը գործի է դրել հին ու տխրահռչակ մեթոդները և փորձում է հարցը լուծել հակասահմանադրական ու հակաօրինական, իսկ այժմ դրան գումարած նաև խուլիգանական մեթոդներով՝ հավանաբար մտքում ունենալով դատարանների շրջափակման և նման շանտաժները։

Հ․գ․ Ընդունենք կամ չընդունենք, քննադատենք կամ գնահատենք, ուզենք, թե չուզենք՝ ընդդիմության հիմնական ու անզիջում կորիզն այժմ հայոց վերջին աննվաճ միջնաբերդերից մեկն է, որն ընկնելու դեպքում ցեղասպան Ալիևը վերջնական ու հաստատուն գերիշխանություն կհաստատի Երևանի վրա։