Իշխանական բեսպրիդել. սա է ՔՊ-ն՝ քաղաքացիների առողջության հաշվին սպասարկել սեփական բիզնես շահերը. Չախոյան

21 Նոյեմբերի, 2025

Հասարակական ակտիվիստ Արթուր Չախոյանը՝ անդրադառնալով Վեդիում տեղի ունեցած հանրային քննարկմանը գրում է. «Վեդու համայնքապետարանում երեկ տեղի ունեցածը բացահայտ իշխանական բեսպրիդել էր, որի նպատակն էր մեկ բան՝ ցեմենտի գործարանի շահերը ապահովելը քաղաքացիների առողջության հաշվին։

Իմ, Հովսեփ Ղազարյանի և այլ քաղաքացիների դռնբաց նիստին մասնակցությունը կոպիտ, անօրինական և կանխամտածված կերպով խոչընդոտվել է։ Մեզ խոսքի իրավունքից զրկելու համար օգտագործվել է բացարձակ սուտ պատճառաբանություն՝ իբր իմ դիմումը ստորագրված չի եղել։
Սա պաշտոնական կեղծիք է, քանի որ դիմումս եղել է պատշաճ էլեկտրոնային ստորագրված, ինչն ապացուցվում է «ԷԿԵՆԳ» ՓԲԸ պաշտոնական գրությամբ։
Այսինքն՝ Վեդու համայնքապետարանը քաղաքացիներին խաբելով և իր անօրինականությունը ծածկադմփոց անելու նպատակով պաշտոնական գրությամբ տրամադրել է իրականությանը չհամապատասխանող, ոչ իրավական մերժում։
Բայց սա դեռ ամենը չէ։ Դահլիճը «լցնելու» համար օգտագործվել է վարչական ռեսուրս. մանկապարտեզների, դպրոցների և համայնքային հիմնարկների տնօրենները զբաղեցրել են դահլիճի տեղերը, որպեսզի քաղաքացիները ներս չմտնեն։ Արդյունքում մարդկանց ասում էին՝ «տեղ չկա», մինչդեռ տեսանյութերում բոլորը տեսել են, որ դահլիճը լիքն էր ազատ աթոռներով։
Այս ապօրինության միակ նպատակը եղել է մեկը՝ խուսափել չարաբաստիկ որոշման հանրային հնչեղությունից, որպեսզի առանց աղմուկ անցկացնեն Կարմիր Սարի ավիրումը թույլատրող որոշումը։
Հիմա ավելի մանրամասն․ քվեարկության էր դրված «Օրդ Գրուպ» ՍՊԸ-ին Կարմիր Սարի օգտակար հանածոների արդյունահանման համաձայնություն տալը, փաստացի Կարմիր Սարը ցեմենտի գործարանի համար քանդելու թույլտվությունը, նիստի ժամանակ տրվեց։ Եվ քանի որ իշխանությունը չէր ուզում, որ նիստում հնչեն փաստեր, հարցեր ու հիմնավորումներ, գործի էին դրվել վեր նշված բոլոր ապօրինի գործողությունները։
Այսինքն՝ ամբողջ ապօրինությունն իրականացվել է մեկ նպատակով՝ ապահովել, որ տվյալ ընկերությունը ստանա ցանկալի որոշումը։
Ահա սա է այն «ժողովրդավարությունը», որը ներկայացնում է ՔՊ-ն՝ երբ իրենց բիզնես շահերի համար, քաղաքացիների սահմանադրական իրավունքները ոտնահարելով սպասարկում են սեփական բիզնես շահերը»:

Նմանատիպ նյութեր

Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ»

Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ»

«Ժողովուրդ» օրաթերթը գրում է. «Էկոնոմիկայի նախարար Գևորգ Պապոյանը վերջին օրերին Ռուսաստանի կողմից հայկական ապրանքների նկատմամբ կիրառվող սահմանափակումների հարցում բավականին խառը հայտարարություններ է անում՝ մի կողմից խոստանալով հասնել դրանց վերացմանը, մյուս կողմից՝...

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

ՀՀ ԱԺ պատգամավոր Իշխան Սաղաթելյանը ֆեյսբուքյան իր էջում գրում է. Իշխանությանը հեռացնելու համար ընդդիմությանը ոչ թե իշխանության հետ գործարքի գնալ է հարկավոր, այլ նրա հետ որևէ գործարքի բացառում։ Հետևաբար՝ ընդդիմությանն առաջարկված գործարքը. համաձայնեք Ալիևի բոլոր...

Գրիբոյեդով գյուղում «Merceders»-ը վթարի է ենթարկվել․ 22-ամյա 2 ուղևոր տեղափոխվել է հիվանդանոց

Գրիբոյեդով գյուղում «Merceders»-ը վթարի է ենթարկվել․ 22-ամյա 2 ուղևոր տեղափոխվել է հիվանդանոց

Նոյեմբերի 6-ին, ավտովթար է տեղի ունեցել Արմավիրի մարզում։ Ժամը 00։05-ի սահմաններում Գրիբոյեդով գյուղի սկզբնամասում Արմավիրի մարզի բնակիչ 24-ամյա Մելիք Հ․-ն իր վարած «Merceders» մակնիշի ավտոմեքենայով դուրս է եկել ճանապարհի երթևեկելի գոտուց և կողաշրջված հայտնվել...

ՊՆ-ն հաստատեց. զինծառայող է մահացել

ՊՆ-ն հաստատեց. զինծառայող է մահացել

Նոյեմբերի 18-ին հայտնաբերվել է ՊՆ N զորամասի պայմանագրային զինծառայող Ն. Բ.-ի դին՝ հրազենային վնասվածքով: Այս մասին տեղեկանում ենք ՊՆ-ից: Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում և զորակցություն է...

Սոթքի զորամասում պայմանագրային զինծառայող է մահացել․ Factor

Սոթքի զորամասում պայմանագրային զինծառայող է մահացել․ Factor

Factor TV-ի տեղեկություններով՝ Սոթքի զորամասում պայմանագրային զինծառայող Ն. Բ.-ն մահացել է: Նախնական տեղեկություններով՝ զինծառայողը կրակել է իր գլխին։ Կայքի տեղեկություններով` զինծառայողը Գավառից էր, հայրը երկրում չէ: Պաշտպանության նախարարությունից հայտնել են, որ քիչ...