Վերջին գործով ՀՅԴ 7 երիտասարդները ոչ թե բերման են ենթարկվել, ոչ թե ձերբակալել են 72 ժամով, որովհետև հիմնավոր կասկած ունեն, որ այստեղ ապօրինի քրերորեն հետապնդելի գործողություն է ծավալվում, այլ նպատակն է բերել կապել ՀՅԴ հետ: Այս մասին «Դաշնակցականների նկատմամբ բռնաճնշումներ, գործի մանրամասները» թեմայով ասուլիսին ասաց փաստաբան Սերգեյ Հարությունյանը:
«Իրենց խնդիրն է ցույց տալ, թե Դաշնակցությունն ահաբեկչություն է ուզում անել, և այդ ամենն էլ բերեցին ու կապեցին Բագրատ Սրբազանի հետ կապված գործին»,- նշեց Հարությունյանը:
Փաստաբանի խոսքով՝ հայտնաբերվածները օրենքով ձեռք բերված են:
Նա նշեց հետաքրիրն այն է, որ այս իշխանություններն են օրենսդրական փոփոխություններ արել, զենքի մասին օրենքը փոխել, զենք ձեռք բերելը դյուրինացրել, հեշտացրել ընթացակարգը, հետո որ կարողանան այսպես զանգել սանտեխնիկին, կապը բերեն ստեղծեն, որ այսպես ձերբակալեն ու կալանավորեն:
Մանրամասն՝ տեսանյութում։
