Իրանի Սպահան քաղաքում մի շարք պատմական օբյեկտներ են լրջորեն վնասվել ամերիկա-իսրայելական հարվածների հետևանքով, հայտնում են իրանական աղբյուրները։

Ըստ նրանց տվյալների՝ վնասվել են Սպահանի նահանգապետարանի շենքը, Ռակիբ-Խանե առանձնատունը, Չեհել Սոթուն պարտեզ-թանգարանի Աշրաֆ դահլիճը, ինչպես նաև Սեֆյանների դարաշրջանի կառավարական համալիրի մեջ մտնող այլ կառույցներ։

Նշվում է, որ այդ օբյեկտներից մի քանիսն ընդգրկված են ՅՈՒՆԵՍԿՕ-ի Համաշխարհային ժառանգության ցանկում։ Ավերածությունների մասշտաբների և մշակութային ժառանգությանը հասցված հնարավոր վնասի վերաբերյալ տեղեկությունները ճշտվում են։