Իրանը չի բացի Հորմուզի նեղուցը, մինչև ԱՄՆ-ն չկատարի մի շարք պայմաններ, այդ թվում՝ Թեհրանի դեմ սպառնալիքների դադարեցումը, հաղորդում է Press TV-ն՝ հղում անելով Իսլամական Հանրապետության Գերագույն ազգային անվտանգության խորհրդի քարտուղար Մոհամմադ Բաղեր Զոլղադրին։
«Հորմուզի նեղուցը չի բացվի, մինչև ԱՄՆ-ն չշտկի իր ուղղությունը և չդադարի սպառնալ Իսլամական Հանրապետությանը», – նշում է հեռուստաալիքը։
Իրանցի բարձրաստիճան պաշտոնյայի կողմից նշված պայմանների թվում են նաև Իրանի և նրա դաշնակիցների դեմ ռազմական գործողությունների դադարեցումը, պատժամիջոցների և ծովային շրջափակման վերացումը, ԱՄՆ ուժերի դուրսբերումը Իրանի շրջակա տարածքներից և փոխհատուցման վճարումը։
ԱՄՆ նախագահ Դոնալդ Թրամփը ավելի վաղ հայտարարել էր, որ չեղարկել է Իրանի վրա հարձակումները՝ հաշվի առնելով առաջիկա խաղաղության համաձայնագիրը, որը ներառում է Հորմուզի նեղուցի բացումը և միջուկային ծրագրի վերաբերյալ համաձայնագրերը: Իրանի արտաքին գործերի նախարարությունը չորեքշաբթի օրը հայտնել է, որ Իրանը և Օմանը համաձայնության են եկել Հորմուզի նեղուցով նավարկելու երթուղու աշխարհագրական մանրամասների շուրջ:
