Իրանը ձգտում է ԱՄՆ-ի հետ միջուկային համաձայնագրի, որը տնտեսական առավելություններ կբերի երկու կողմերի համար, շաբաթ օրը հայտնել է իրանցի դիվանագետը՝ Թեհրանի և Վաշինգտոնի միջև բանակցությունների երկրորդ շրջանի քննարկումից առաջ: Հաղորդում է Ռոյթերսը:
Իրանն ու ԱՄՆ-ն այս ամիս վերսկսել են բանակցությունները՝ լուծելու համար Թեհրանի միջուկային ծրագրի շուրջ տասնամյակների վեճը և խուսափելու նոր ռազմական հակամարտությունից։ ԱՄՆ-ն տարածաշրջան է ուղարկել երկրորդ օդանավակիր ու պատրաստվում է շարունակական ռազմական գործողությունների հնարավորությանը, եթե բանակցությունները հաջողությամբ չավարտվեն, Ռոյթերսին հայտնել են ԱՄՆ պաշտոնյաները։
