Շատ համերաշխ ընտրություն կատարվեց, ինչքան էլ ուզեցան խառնել՝ չստացվեց, թեկնածուներն իրենց շատ ճիշտ դրսևորեցին: Այս մասին Գյումրու ավագանու անդրանիկ նիստում ասաց քաղաքապետի թեկնածու Վարդան Ղուկասյանը:
«Ես ուզում եմ շնորհակալություն հայտնել ազգաբնակչությանն իրենց տված ձայների համար: Որդեգրելու ենք համերաշխությամբ, խաղաղությամբ, կառուցողական՝ հիմք ընդունելով հավատքն ու հայրենիքը: Շատ պարտավորեցնող է այն մարդու համար, ով մանավանդ աշխատել է 13 տարի:
Ես որդեգրելու եմ մի սկզբունք, եթե քաղաքի շահը, երկրի շահը որեւէ մեկն ուզում է ոտք պահել, միանշանակ ինքը հասարակության առաջ, Աստծո առաջ պատասխան կտա:
Լսելու ենք բոլորին, ոչ միայն թեկնածուներին: Եթե քաղաքում որեւէ մեկը կլինի, ՀԿ-ներ կլինեն, որոնք ի շահ քաղաքի կներկայացնեն ծրագրեր, մենք անպայման պետք է քննարկենք: Ես լսելու ունակություն ունեմ:
Եթե մտքով, ուղեղով մտածեի, ավելի լավ է ինչ որ մի տեղ ավելի հանգիստ ապրեի: Քաղաքապետ աշխատած ժամանակ 5 փամփուշտ իմ մարմնի մեջ է հայտնվել, որովհետեւ ես ճշմարտությունն էի պահում: Ես անձնական խնդիր չեմ ունեցել, դրանք քաղաքական պատվեր են եղել, Մեր տղերքը մահացել են, թող լույս իջնի իրենց շիրիմներին:
Տեսնելով երկրի վիճակը, թե ուր են մեզ տանում, տեսնելով քաղաքի վիճակը, մարդիկ ինձ ասում են՝ ինչքա՞ն կարող ենք այսպես մնալ: Դրանից ելնելով ես առաջադրել եմ իմ թեկնածությունը»,- նշեց նա:
Մանրամասն՝ տեսանյութում:
