Ի դեպ, «Մեր երկրում մամուլը երբեք չի եղել այնքան ազատ, որքան հիմա»․ Այս նախադասությունը Նիկոլ Փաշինյանն արտասանել է 2018 թվականից ի վեր ամեն տարի, անգամ տարին մի քանի անգամ։
Այսօր Փաշինյանը խորհրդարանում էր՝ ներկայացնելու հաջորդ տարվա բյուջեի նախագիծը․ լրագրողների մուտքը արգելված էր։ Առաջին անգամը չէ, որ Նիկոլ Փաշինյանը խորհրդարանում խոչընդոտներ է ստեղծում լրագրողների համար․ եղել են դեպքեր, երբ անգամ լրագրողների համար հատկացված օթյակից են նրանց դուրս հանել՝ դահլիճում կատարվողը չֆիքսելու համար։
Բայց Փաշինյանի այս վերաբերմունքը միայն լրագրողներին ուղղված չէ։ Երեկ՝ հոկտեմբերի 26-ին, Փաշինյանը Հովհաննավանքում մասնակցում էր կեղծ պատարագի, որտեղ, բացի կարգալույծ հռչակված քահանայից, մնացած քահանաների մուտքն էր արգելված։ Ավելին, հոգևորականներին հրավիրել էին քննչական կոմիտե հարցաքննության՝ այդ արարողությանը չմասնակցելու համար։ Նպատակն էր, որ այդ արարողությունն անցկացնի կարգալույծ եղած հոգևորականը։
Ստացվում է՝ Նիկոլ Փաշինյանը իրեն լավ է զգում միայն ՔՊ-ականների նեղ շրջապատում, հնարավոր ամեն եղանակով խուսափում է ժողովրդից, չնայած իրեն շարունակում է կոչել ժողովրդի իշխանություն։
