«Մենք իրավապահ մարմիններից հստակ չենք հասկանում, ի՞նչ էր, ի վերջո, նշանակում «մեր ձևով մասնակցել» և, եթե այդ «մեր ձևով մասնակցելը» չլիներ, այս քաղաքական, իրավական գործընթացները չլինեին, դուք կշարունակեի՞ք Հայաստանում մնալ, քաղաքական կուսակցություն ստեղծել, ընտրությունների մասնակցել»,- մամուլի ասուլիսի ժամանակ Սամվել Կարապետյանին նման հարց ուղղեց լրագրողը։
««Մեր ձևով»-ը դա ընդամենը տվյալ պահի խոսույթն էր և ես կարող էի չասել «մեր ձևով», ասեի՝ Վաչոյի ձևով, Նիկոլի ձևով, այդ պահին ստացվեց, ես ասեցի «մեր ձևով»։ Ես, ընդամենը ունենալով (ինձ թվում էր այդ պահին) բարի համբավ, այսքան բան եմ, ի վերջո, արել այս երկրի համար, կարող էր այդ ելույթը Փաշինյանը նայելով վերջացնել իր հարձակումները մեր եկեղեցու վրա, բայց ինքը ոչ թե վերջացրեց, այլ ինձ կալանավորեց այդ երկու բառի համար․ հարձակումները եկեղեցու վրա ավելի ուժեղացրեց, սկսեց հարձակումները մեր ինքնության վրա։ Իսկ ես, բոլոր դեպքերում, ինձ համարում եմ շատ հայրենասեր մարդ. չէի կարող նույնիսկ բանտի խցում հանգիստ լինել և նայել, թե ինչպես է նա ձերբակալում մեր սրբազաններին, ինչպես է շարունակում հարձակումները մեր Վեհափառի վրա՝ ամբողջ աշխարհում խայտառակելով մեր ազգին»,- պատասխանեց Կարապետյանը։
Մանրամասն՝ տեսանյութում։
