Այսօր՝ սեպտեմբերի 2-ին, լրանում է Արցախի Հանրապետության անկախության հռչակման 35-ամյակը։ Բազմաթիվ հասարակական-քաղաքական գործիչներ, արցախցի պաշտոնյաներ այցելել են Եռաբլուր պանթեոն՝ ծաղիկներ խոնարհելու «Արցախի կանչը» հուշակոթողին։
«Հերթական անգամ գալիս ենք մեր հարգանքի տուրքը մատուցելու, այդ հիշողությունը վառ պահելու․ հիշատակը մեր զոհված տղերքի, խունկ ու խոնարհում բոլոր այն տղաներին, որոնք իրենց կյանքը նվիրել են հանուն հայրենիքի։ Ամոթով ենք գալիս, ես քիչ առաջ էլ ասացի, որովհետև դեռևս ասելու բան չունենք իրենց, բայց ես հույս ու հավատ ունեմ, որ մի օր իրենց շիրիմներին կգանք, կայցելենք լավ նորությունով, լավ բան կասենք իրենց։ Ո՛չ Նիկոլ Փաշինյանը, ո՛չ որևէ իշխանություն չեն կարող փակել Արցախի էջը։ Իրենց քաղաքական էջը ինչ-որ մի ժամանակ, ինչ-որ մի պահի փակվելու է, բայց Արցախինը՝ ոչ»,- լրագրողների հետ զրույցում ասաց «Հայաստան» դաշինքի անդամ Գառնիկ Դանիելյանը։
Մանրամասն՝ տեսանյութում։
