Հովիկ Աղազարյանն Sputnik Արմենիային ասաց, որ ինքն ու Հակոբ Ասլանյանը չեն պատրաստվում ձայն տալ «Պատիվ ունեմ»–ի վարչապետի թեկնածու Դավիթ Համբարձումյանին, քանի որ ունեն իրենց սեփական թեկնածուն։
Նա կարծում է, որ իրենք ավելի շատ շանսեր ունեն ՀՀ վարչապետ Նիկոլ Փաշինյանի իմպիչմենտի համար ՔՊ–ից ձայներ ստանալու, քան «Պատիվ ունեմ» խմբակցությունը։ Ավելին` Աղազարյանը վստահեցնում է, որ ՔՊ–ում արդեն կան մարդիկ, որոնք պատրաստակամություն են հայտնել միանալ իրենց նախաձեռնությանը։ Անուններ ու թիվ, սակայն, նա չնշեց։
