«Քննչական կոմիտեի 53 քննիչներից բաղկացած համապատասխան խումբը, որը փաստացի գործում է 2025 թվականի հուլիս ամսից՝ դեռևս դատարանից խնդրում է, որ կարողանան կատարել նախաքննություն, իսկ այդ ընթացքում Սամվել Կարապետյանը լինի կալանավորված»,- այս մասին հրավիրված մամուլի ասուլիսում ասաց Սամվել Կարապետյանի փաստաբանական թիմի անդամ Արամ Վարդևանյանը։
«Սա ինքնին աբսուրդ է և միայն սա արդեն բավարար է արձանագրելու համար, որ մենք իրավաբանությունից դուրս ենք գործում, բայց առաջնային շեշտադրումը այս պահին ցանկանում ենք կատարել այն իրադարձությունների վրա, որը վերաբերում է Հայաստանի Հանրապետության վճռաբեկ դատարանի հակակոռուպցիոն պալատին։ Տեսեք ինչ տեղի ունեցավ․ 2025 թվականի նոյեմբերի 13-ին վերաքննիչ հակակոռուպցիոն դատարանը մերժում է դատախազության կողմից ներկայացված բողոքը: Այդ բողոքի մերժումը իրենից ենթադրում է մի իրավիճակ, որ փաստացի պահպանվում է միայն աբսուրդային կոչի դրվագը, այսինքն՝ «մեր ձևով կմասնակցենք Մայր Աթոռի պաշտպանությանը» նախադասությունը որպես կոչ որակելու իրավիճակ: Իսկ տնտեսական բնույթի աբսուրդային մեղադրանքները հիմնավոր կասկած այդպես էլ չէին հաղթահարել: Սա ի՞նչ է նշանակում, որ Սամվել Կարապետյանն այլևս պետք է լիներ ազատության մեջ, երբ նոյեմբերի 18-ին կալանքի ժամկետը լրանում էր»,- նշեց նա։
Մանրամասն՝ տեսանյութում։
