ՀՀ ԱԳՆ մամուլի քարտուղար Անի Բադալյանը X սոցիալական ցանցում գերատեսչության անունից հայտարարություն է տարածել, որում ասվում է։
«Մենք ողջունում ենք Հնդկաստանի և Պակիստանի միջև հրադադարի վերաբերյալ ձեռք բերված փոխըմբռնումը։
Երկխոսությունն առանցքային նշանակություն ունի, և մենք հուսով ենք, որ հրադադարը կպահպանվի, և տարածաշրջանում հնարավոր կլինի խաղաղության հասնել։ Այս առնչությամբ ուշադրության են արժանի նաև խաղաղության հաստատմանն ուղղված միջազգային ջանքերը, մասնավորապես՝ ԱՄՆ-ի կողմից ավելի վաղ հայտարարվածները»։
Հնդկաստանի և Պակիստանի միջև հրադադարի պայմանավորվածությունը ձեռք էր բերվել մայիսի 10-ին՝ ԱՄՆ միջնորդությամբ։
