«Նախ պետք է դա փորձաքննության ենթարկվի»,- լրագորղն երի հետ զրույցում ասաց ԱԺ «Հայաստան» խմբակցության պատգամավոր Գառնիկ Դանիելյանը՝ անդրադառնալով Ադրբեջանի տարածքով, Հայաստան բերված՝ 4-րդ կարգի ցորենին։ «Երկրորդը՝ պետք է հասկանանք՝ էդ ցորենը ինչ նպատակով է գալիս։ Ուռճացրել են։ Կարող է ընդհանրապես պիտանի չլինի կամ կերի ու այլ նպատակով լինի»,- ասաց պատգամավորը։
Ըստ Գառնիկ Դանիելյանի, պետք է հասկանալ, թե ինչ նպատակով է թույլ տրվել ցորենի բերումը․ «Ես ենթադրություն ունեմ, որ Ադրբեջանը հերթական պահանջներն է ներկայացրել հայկական կողմին։ Դրա մասին Նիկոլ Փաշինյանն անոնսել է՝ տարածքների հետ կապված՝ ասելով, որ ՀՀ տարածքում կան ադրբեջանական տարածքներ, որոնք պետք է վերադարձվեն Ադրբեջանին։ Այսինքն, հերթական զիջումների նախապատարաստական փուլն է կազմակերպվում»։
Գառնիկ Դանիելյանը խոսեց այսպես կոչված անկլավների մասին՝ ասելով․ «Սահմանազատման- սահմանագծան անվան տակ միակողմանի զիջում է արվել։ Այդ օրինակը բազմիցս բերել եմ և մեկ անգամ ևս ուզում եմ ասել․ ինչ վերաբերում էր Կիրանց-Ոսկեպար հատվածին, էն ժամանակ ասում էին՝ էս հատվածներց մենք զիջում ենք անում, Բերքաբերից 900 հեկտար ստանալու ենք։ Անցել է բավականին երկար ժամանակ, որևէ մի սանտիմետր, որևէ միլիմետր հող Բերքաբերի լճից այն կողմ ՀՀ-ն չի ստացել։
Ադրբեջանը պատըաստ չէ ՀՀ հետ իրական սահմանազման-սահմանազատման գործընթաց անել»։
Մանրամասն՝ տեսանյութում։
