Հայկ Մարությանի ղեկավարած «Նոր Ուժ» կուսակցությունը հայտարարել է, որ այլևս չի մասնակցելու Սահմանադրական դատարանում հունիսի 7-ի խորհրդարանական ընտրությունների արդյունքների վիճարկման գործով նիստերին։ Նման որոշում է կայացվել դատարանում իրենց դիմումը և հիմնավորումները բանավոր ներկայացնելուց հետո։
«Մենք չենք բացառում, որ որոշ ընտրողներ միտումնավոր են իրենց քվեաթերթիկները անվավեր դարձրել, սակայն ակնհայտ է, որ խոսքը չէր կարող գնալ ավելի քան 17,000 ընտրողի մասին։ Այս քանակը արդեն իսկ հուշում է, որ եղել է ընտրողների կամքի նկատմամբ էական միջամտություն։ Համեմատության համար նշենք, որ թե՛ 2018, թե՛ 2021 թվականի Ազգային ժողովի ընտրություններում անվավեր քվեաթերթիկների շեմը չի հատել 5,000-ի սահմանը»,- ՍԴ-ում հայտարարել է կուսակցության ներկայացուցիչը՝ նշելով, որ այս բողոքով և դրանում ներկայացված դիրքորոշումներով ավարտում են ՍԴ-ում գործին մասնակցությունը։
