Ապրիլի 22-ի գիշերը Հայաստանի որոշ շրջաններում սպասվում են կարճատև անձրևներ և ամպրոպներ, իսկ օրվա մնացած մասը սպասվում է հիմնականում չոր եղանակ։ Օդերևութաբանները նաև կանխատեսում են ամպրոպների ժամանակ հարավարևմտյան քամի՝ 16-20 մ/վրկ արագությամբ։ Հաջորդ երկու օրերի ընթացքում ցերեկային ջերմաստիճանը աստիճանաբար կբարձրանա 4-6 աստիճանով։
«Հայպետհիդրոմետ»–ից հայտնում են, որ Երևանում գիշերը սպասվում են անձրևներ և ամպրոպներ, իսկ ամպրոպների ժամանակ քամու ուժգնությունը կհասնի 16-19 մ/վրկ արագության։ Օրվա մնացած մասը սպասվում է չոր եղանակ։
Մայրաքաղաքում գիշերը ջերմաստիճանը կհասնի +5-ից +7 աստիճան, իսկ վաղը կեսօրին՝ +16-ից +18 աստիճան։
