Հայաստանի Հանրապետության կառավարությունը այսօր՝ մայիսի 22-ին, որոշում է կայացրել միանալ «Խոշոր կատվազգիների հարցերով միջազգային դաշինքին»։
Հիմնավորման մեջ նշվում է, որ Հայաստանի հարուստ կենսաբազմազանության մեջ իր ուրույն տեղն ունի Կովկասյան ընձառյուծը, որը ներառված է Հայաստանի Հանրապետության կենդանիների Կարմիր գրքում (2010 թ.) և Բնության պահպանության միջազգային միության (ԲՊՄՄ) Կարմիր ցուցակում՝ համապատասխանաբար «վտանգված» և «կրիտիկական վիճակում գտնվող» կարգավիճակով։
Նախագծի չընդունմամբ բնապահպանական էական ռիսկեր չեն առաջանա, սակայն դրան չմիանալու պարագայում կսահմանափակվի միջազգային փորձի հիման վրա ժամանակակից մեթոդների և տեխնոլոգիաների օգտագործմամբ խոշոր կատվազգիների տեսակային կազմի, դրանց ապրելավայրերի և կենսամիջավայրերի ուսումնասիրման հնարավորությունները։
