2025-2026 ուստարում ՀՀ պետական հանրակրթական դպրոցներում առաջին դասարան է հաճախել 34070 երեխա, իսկ մասնավոր դպրոցներում՝ 1208 երեխա: Այս մասին News.am-ի հարցմանն ի պատասխան հայտնել են ՀՀ ԿԳՄՍ նախարարությունից։
Արագածոտնի, Արմավիրի, Գեղարքունիքի, Լոռու, Կոտայքի, Շիրակի, Սյունիքի, Տավուշի մարզերի 14 դպրոցներում այս տարի հաճախում է 1-5 առաջին դասարանցի։
Երևանում գործող հանրակրթական դպրոցներում առաջին դասարան է հաճախել 10852 երեխա։ Մարզերում պատկերը հետևյալն է.
Արագածոտն-1575
Արարատ- 3674
Արմավիր-3390
Գեղարքունիք-2408
Լոռի- 2544
Կոտայք–3615
Շիրակ–2617
Սյունիք-1474
Վայոց Ձոր–560
Տավուշ–1361
Ոչ պետական դպրոցներում Երևանում առաջին դասարան է հաճախել 1140 երեխա, Արմավիրում՝ 36, Լոռիում՝ 4, Շիրակում՝ 9, Տավուշում՝ 19 երեխա։
Նախորդ տարի ՝ 2024-2025 ուստարում ՀՀ պետական հանրակրթական դպրոցներում առաջին դասարան է հաճախել 37253 երեխա, մասնավոր դպրոցներում՝ 1169 երեխա։
Նախորդ տարի Երևանում գործող հանրակրթական դպրոցներում առաջին դասարան է հաճախել 11869 երեխա։ Մարզերում պատկերը հետևյալն էր.
Արագածոտն-1729
Արարատ- 3870
Արմավիր-3532
Գեղարքունիք-2894
Լոռի- 2755
Կոտայք–4086
Շիրակ–2840
Սյունիք-1619
Վայոց Ձոր–682
Տավուշ–1379
Ոչ պետական դպրոցներում մայրաքաղաքում նախորդ տարի առաջին դասարան է հաճախել 1094 երեխա, Արմավիրում՝ 52, Լոռիում՝ 3, Շիրակում՝ 8, Տավուշում՝ 12 երեխա։
