60-ամյա Արսեն Նալբանդյանն իր 80-ամյա մայրիկի հետ ապրում է Գյումրիում՝ ազգականի տանը, չունեն սեփական տանիք։ Թե մայրը, թե որդին ունեն առողջական խնդիրներ, և սոցիալական, ֆինանսական ծանր վիճակի պատճառով չեն կարողանում բուժում ստանալ։ Տունը զուրկ է կենցաղային տարրական պայմաններից, իսկ անձրևների և ձյան ժամանակ չգիտեն էլ, թե ինչպես պաշտպանվեն կաթոցից։
Արսեն Նալբանդյանը մասնագիտությամբ արհեստավոր-շինարար է, բայց արդեն 2 տարի անգործ է։ Առողջությունը թույլ չի տալիս աշխատել։ Նրա ոտքերը հաճախակի թուլանում են, կարող է հանկարծակի գետնին ընկնել։ Հիվանդության ախտորոշումը չգիտի, քանի որ բժշկի չի դիմել․ միջոցներ չունի։ Ասում է՝ բժշկական հետազորտություն անցնելու համար զգալի գումար է անհրաժեշտ։ Հաշմանդամության կարգ ստնալու համար ևս չի դիմում՝ նույն պատճառով։
Մանրամասն՝ տեսանյութում։
