Պետքարտուղարությունն առաջարկել է մեկ դոլար վճար սահմանել Միացյալ Նահանգներում մշտական բնակության իրավունք շնորհող ամենամյա վիճակախաղի ծրագրում («Գրին քարտ») գրանցվելու համար։
Համապատասխան փոփոխություններն առաջարկվում են Պետքարտուղարության հյուպատոսական գործերի բյուրոյի հյուպատոսական վճարների ցանկում, դրա մասին սեպտեմբերի 16-ին հաղորդվել է Դաշնային ռեգիստրի պաշտոնական կայքում։
Պետքարտուղարության տվյալներով՝ այդ միջոցը «հավասարաչափ կբաշխի վիճակախաղի գրանցման բեռը» բոլոր մասնակիցների, այլ ոչ թե միայն հաղթողների միջև։
1990 թվականից ի վեր Միացյալ Նահանգներում գործում է ծրագիր, որն ամեն տարի պատահականորեն բաշխում է 50 հազարմշտական բնակության թույլտվություն օտարերկրացիներին (ևս 5000-ը տարեկան հատկացվում է Կենտրոնական Ամերիկայի երկրներին)։ Նախորդ բոլոր տարիներին վիճակախաղին մասնակցությունն անվճար էր։
