«Ռոբերտ Քոչարյանի հետ իմ հարաբերությունների մասին ես ասել եմ տարիներ առաջ իմ հարցազրույցներից մեկում, գնահատել եմ Քոչարյանին որպես Հայաստանին հաղթանակ կերտող ղեկավարներից մեկը։ Ես հայտարարում եմ, որ մենք գնում ենք բացարձակ հաղթանակի, Քոչարյանը արել է շատ կոռեկտ հայտարարություն, որ սատարելու է օպոզիցիայից առաջին տեղ զբաղեցնող ուժին, այսինքն՝ մեր ուժին։ Ես չգիտեմ՝ էլ ինչ ասենք, որ մարդիկ հավատան, որ չկան ուրիշ գործարքներ, ստվերային գործարքների մենք չենք մասնակցում, կյանքում չենք մասնակցել»,- մամուլի ասուլիսի ժամանակ ասաց «Ուժեղ Հայաստան» կուսակցության առաջնորդ Սամվել Կարապետյանը՝ պատասխանելով լրագրողի հարցին, թե՝ ինչ հարաբերություններ է ունեցել Ռոբերտ Քոչարյանի հետ»։
Լրագրողի մեկ այլ հարցի, թե՝ «Ի՞նչ դերակատարում է ունեցել Վլադիմիր Պուտինը Ձեր Հայաստան գալու և Հայաստանում, Հայաստանի քաղաքական դաշտում դերակատարում ստանձնելու վերաբերյալ», հեգնեց․ «Պուտինն ինձ կանչեց, ասաց՝ գիտե՞ս, շուտով հորդ քառասունքն է, կգնաս, անպայման կմասնակցես հորդ քառասունքին, դուրս գալուց մեր գործակալ լրագրողը կմոտենա քեզ, մի հատ հարց կտա, հետո ունենք մեր գործակալ Փաշինյանը, քեզ կձերբակալի, կկալանավորի, կտանի-կպահի ամենածանր պայմաններում։ Դրանից հետո դու խելքդ, գլուխդ կհավաքես, կմտնես քաղաքականության մեջ, կգնաս, կհաղթես: Եթե դուք այդպես եք պատկերացնում, ես ոչ մի մեկնաբանություն չունեմ»:
Մանրամասն՝ տեսանյութում։
