«Մենք մեր երկրում ապրում ենք հակասեմիտիզմի նոր ալիք։ Դաշնային կառավարությունը և ես պատերազմ ենք հայտարարում դրան»,-հայտարարել է Գերմանիայի կանցլեր Ֆրիսրիխ Մերցը Մյունխենում Ռայխենբախ փողոցի վրա գտնվող սինագոգի բացման հանդիսավոր արարողության ժամանակ։ Արարողության ընթացքում կանցլերը հուզվել է և խոստացել է թույլ չտալ Հոլոքոստի կրկնությունը Գերմանիայում, փոխանցում է Euronews-ը։
«Մենք պարտավոր ենք կատարել «այլևս երբեք» խոստումը մեր հրեա համաքաղաքացիների հանդեպ։ Դա մեր պատմական պարտականությունն է»,- հայտարարել է Մերցը երկուշաբթի երեկոյան։
Մերցը հիշեցրել է, որ սինագոգը վերականգնվել է գրականագետ Ռախել Սալամանդերի ակտիվ գործունեության շնորհիվ։ Նա ծնվել է 1949 թվականի հունվարին Դեգենդորֆի տեղահանվածների ճամբարում։
1938 թվականի նոյեմբերի 9-ի լույս 10-ի գիշերը սինագոգը ենթարկվել է հարձակման, սակայն ամբողջությամբ չի ավերվել։ Ավելի ուշ այն օգտագործվել է որպես պահեստ։ Սինագոգի վերականգնումը ֆինանսավորվել է հավասարապես՝ Դաշնային բյուջեից, Բավարիայի նահանգից և Մյունխեն քաղաքի կողմից։
Արարողությանը մասնակցել է նաև Բավարիայի վարչապետ Մարկուս Զյոդերը։
Քրիստոնեա-դեմոկրատական միության նախագահ Ֆրիդրիխ Մերցը շատերին է հուզել իր խոսքով։ Մերցը հանդես է եկել հակասեմիտիզմի բոլոր ձևերի դեմ և հայտարարել, որ ինքն ու իր կառավարությունը կպայքարեն դրա դեմ։
«Մենք հակասեմիտիզմըտ չենք հանդուրժի արվեստի, մշակույթի կամ գիտության ազատության քողի տակ»,-ընդգծել է կանցլերը։
