«Ես չգիտեի, որ ճշմարտության մասին խոսելը էսկալացիայի հրահրում է։
Այո՛, հիմա էլ եմ ասում՝ դուք օրը ցերեկով գողացել եք 60 քաղաքացու քվե։ Դուք գողացել եք ԲՀԿ-ի մանդատները։
Դուք մեջբերումներ էիք անում, կարծեմ, օրենքից։ Պարոն Վարդևանյանը Սահմանադրական դատարանում բազմաթիվ փաստեր է ներկայացրել։ Օրենքը պահանջում էր վերաքվեարկություն, վերաքվեարկություն չի իրականացվել։
Վահագն Հովակիմյանը, որը եղել է Նիկոլ Փաշինյանի աշխատողը «Հայկական ժամանակում», ի դեպ, ըստ օդում կախված լուրերի՝ երեք-չորս անգամ անտաղանդ աշխատանքի համար Նիկոլ Փաշինյանի կողմից հեռացվել է, հետո հետ է վերադարձվել, հետո էլ ձեր շարքերում նստած եղել է ՔՊ-ական պատգամավոր, հիմա ԿԸՀ-ում անում է այն, ինչ դուք եք ուզում։
Դրա մեջ ի՞նչն է էսկալացիայի հրահրում։ Դա ճշմարտությունն է։
Դուք ասում եք, որ դուք էլ չեք կիսում Գագիկ Ծառուկյանի քաղաքական հայացքները։ Հա՛, չեմ կիսում։ Բայց մեր և ձեր տարբերությունը դա է, մեր և ձեր տարբերությունը դա է, որ մեզ համար նորմալ է, որ այլ մարդիկ այլ քաղաքական հայացքներ կարող են ունենալ։
Ձեզ համար անընդունելի է, և ձեր իշխանությունն ամեն ինչ անում է իր ընդդիմախոսներին ճնշելու համար»,- այս մասին այսօր՝ օգոստոսի 3-ին, հայտարարեց ԱԺ «Հայաստան» խմբակցության պատգամավոր Ագնեսա Խամոյանը։
Մանրամասն՝ տեսանյութում։
