Մոտենում են ընտրությունները, բարձրանում է քաղաքական իշխանությունների կեղծիքների ինտենսիվությունը: Այս մասին այսօր՝ մարտի 5-ին, հայտարարեց ԱԺ «Հայաստան» խմբակցության պատգամավոր Արթուր Խաչատրյանը։
«Կեղծիքների ուղղությունները բազմազան են, բայց ես այսօր կխոսեմ երեք կեղծ թեզի մասին, որոնք Քաղաքացիական պայմանագիր կուսակցության քարոզչության զանգվածային զեղծարարության զինանոցն են կազմում: Կրճատ՝ ԶԶԶ։
Առաջին կեղծ թեզը, որ ՔՊ-ական քարոզչամեքենան շրջանառում է մեկ տարուց ավել, դա խաղաղությունն է: Իշխանությունները հայտարարում են, թե մեկ տարուց ավել է, ինչ սահմանին կրակոցներ չկան, ուրեմն խաղաղություն է։ Սիրելի հայրենակիցներ, ամեն փայլուն բան ոսկի չէ, ամեն հանդարտություն խաղաղություն չէ։ Պատմության մեջ եղել են պատերազմներ, օրինակ 100ամյա պատերազմը, որը ի դեպ 116 տարի է տրել, երկար է տևել, բայց դա չի նշանակում, որ մարտնչող կողմերը ամեն առավոտյան վեր էին կենում և գնում իրար հետ կռվում էին։ Տարիներ տևող հանդարտ փուլեր են եղել, պատերազմը վերջացել էր պատերազմը ծնած խնդիրը՝ Ֆրանսիայի գահի հարցը լուծվել է։ Այսօր այո պատերազմը ունենք, մենք ունենք պատերազմ։ Ունենք դա, քանզի թշնամու զավթիչ ուժերը մեր տարածքում են, օկուպացրել են մեր հայրենիքի մի հատվածը, ռազմավարական նշանակություն ունեցող բարձունքներ, դիտարկում են կարևորագույն մայրուղիները: Ադրբեջանը շրջափակած է պահում Հայաստան մտնող կապուղիները: Ադրբեջանցիները մշտապես միջամտում են մեր ներքին գործերին: Արցախի Հանրապետության ռազմաքաղաքական ղեկավարությունը և պարզ քաղաքացիներ պատանդի կարգավիճակում Բաքվի զնդանում են։ Արցախցիները ենթարկվել են ցեղասպանության ու ուժով վտարվել իրենց հնամենի բնօրրանից։ Բաքվի ցեղասպան ռեժիմը արգելում է արցախցիներին վերադառնալ տուն։ Սա իհարկե խաղաղության լավագույն բնորոշիչներն են»,- ասաց նա։
Մանրամասն՝ տեսանյութում։
