Դիանա Գասպարյանը կհրաժարվի պաշտոնից

15 Մայիսի, 2025

Դիանա Գասպարյանն այլևս չի զբաղեցնելու Վաղարշապատ համայնքի ղեկավաի պաշտոնը։ Այս մասին նա տեղեկացրել է իր էջում։

«Վաղարշապատ համայնքի հարգելի՛ բնակիչներ, սիրելի՛ համաքաղաքացիներ,

Արդեն հեռավոր թվացող 2018 թվականի հունիսի 22-ին վարչապետ Նիկոլ Փաշինյանի որոշմամբ նշանակվեցի Վաղարշապատ համայնքի ղեկավարի պաշտոնակատար, և այդ օրվանից սկսվեց յոթամյա խելահեղ ճամփորդություն՝ լի դժվարություններով, փորձություններով, խոչընդոտներով, բայց միևնույն ժամանակ արժեքավոր նվաճումներով, հաղթանակներով ու ձեռքբերումներով։ Անցած յոթ տարիները կարող եմ բնութագրել որպես կյանքիս ամենակարևոր շրջան, որը մեծապես կերտեց ինձ որպես անհատ, քաղաքացի ու ղեկավար, մի շրջան, երբ ինչպես գտա, այնպես էլ կորցրեցի շատ բան։ Նվաճումների մասին՝ որպես համայնքի ղեկավար, անհամեստ եմ համարում նշել, քանի որ կարծում եմ, որ ղեկավարի մասին պետք է խոսի գործը։ Այս յոթ տարիների ընթացքում մեր համայնքը վերափոխվեց բոլորիս աչքի առաջ, կատարվեց հսկայական աշխատանք, որը տեսնելու համար հերիք է պարզապես մտովի տեղափոխվել նախահեղափոխական Էջմիածին։

Կորուստների մասին․ այս յոթ տարիների ընթացքում ամեամեծ կորուստս եղել է ժամանակը, որ կարող էի տրամադրել ընտանիքիս ու հարազատներիս, բայց զբաղվածության բերումով տրամադրել եմ աշխատանքին։ Կարծում եմ՝  եկել է պահը, երբ պետք է ընտրություն կատարեմ իմ ամբողջ ժամանակն ու ներուժը նորաստեղծ ընտանիքիս ու մանկահասակ երեխայիս տրամադրելու և համայնքի ղեկավարի ծանր պարտականությունները կատարելու միջև։

Սիրելի՛ համաքաղաքացիներ, հայտնում եմ ձեզ, որ դժվար որոշում եմ կայացրել կյանքիս այս փուլում ինձ նվիրել ընտանեկան հանգիստ կյանքին, երեխայիս դաստիարակությանը, ընտանիքիս ընդլայնմանը, հետևաբար առաջիկայում վայր եմ դնելու մանդատս որպես Վաղարշապատ համայքնի ավագանու անդամ ու այլևս չեմ զբաղեցնելու համայնքի ղեկավաի պաշտոնը։ Ցանկանում եմ շնորհակալություն հայտնել ինձ վստահողներին ու հավատացողներին. դուք ինձ ուժ ու ցանկություն եք տվել աշխատելու, նաև ինձ քննադատողներին․ դուք հազարապատկել եք այդ ուժն ու ցանկությունը։ Կյանքում ցանկացած փուլ ունի սկիզբ ու ավարտ, և այս պահին ես զգում եմ, որ կյանքիս այս կարևորագույն փուլն ավարտելու և նորը սկսելու ժամանակն է։
Նաև ցանկանում եմ շնորհակալություն հայտնել իմ քաղաքական թիմին՝ «Քաղաքացիական պայմանագիր» կուսակցությանը, վարչապետ Նիկոլ Փաշինյանին՝ 2018 թվականին այն անփորձ աղջկան վստահելու և այս յոթ տարիների ընթացքում նրա կողքին լինելու համար։
Ձեր՝ Դիանա Գասպարյան»,- գրել է նա։

Նմանատիպ նյութեր

Երեք երկրները պետք է հրաժարվեն սառը պատերազմի ժամանակաշրջանի մտածելակերպից. Սի Ծինփին

Երեք երկրները պետք է հրաժարվեն սառը պատերազմի ժամանակաշրջանի մտածելակերպից. Սի Ծինփին

Չինաստանի նախագահ Սի Ծինփինը Ռուսաստանի և ԱՄՆ-ի առաջնորդների հետ եռակողմ հանդիպման ընթացքում հայտարարել է, որ երեք երկրները պետք է հրաժարվեն սառը պատերազմի ժամանակաշրջանի մտածելակերպից և ընդլայնեն համագործակցությունը։ Սի Ծինփինի խոսքով՝ միջուկային զենքը պետք է...

Առաջարկվում է «Սոցփաթեթ»-ի ծրագիրը 2027թ-ի  հունվարից ավարտել. ինչ է լինելու կուտակված գումարների հետ

Առաջարկվում է «Սոցփաթեթ»-ի ծրագիրը 2027թ-ի հունվարից ավարտել. ինչ է լինելու կուտակված գումարների հետ

Կարավարությունն այսօր ընդունել է Սոցիալական փաթեթի ծառայության դադարեցման որոշումը, հարցը կուղարկվի ԱԺ հաստատմանը: Հարցը ներկայացրել է ՀՀ աշխատանքի և բարեկեցության նախարարը։ Նրա խոսքով՝ սոցիալական փաթեթը ներդրվել էր 2012 թվականին՝ պետական ծառայության գրավչությունը...

Թուրքիան մինչև 2035 թ. նախատեսում է ձեռք բերել նոր կործանիչներ

Թուրքիան մինչև 2035 թ. նախատեսում է ձեռք բերել նոր կործանիչներ

Թուրքիայի պաշտպանության նախարար Յաշար Գյուլերը հայտարարել է, որ մինչև 2030թ. վերջը նախատեսվում է օդուժի զինանոցը համալրել 20, իսկ մինչև 2035 թ. վերջը՝ ընդհանուր 100 միավոր թուրքական արտադրության «KAAN» կործանիչներով։ Այս մասին հայտնում է  ermenihaber.am-ը: Գյուլերի...

Բա դուք ինչո՞ւ եք սաղ․ լրագրողը՝ Փաշինյանին

«Պարոն Փաշինյան, բուլդոզերը մի մեքենա է, որը նախատեսված է հողը փորելու, քանդելու և տեղափոխելու համար։ Երեկ սպառնում էիք՝ ասացիք՝ բուլդոզերով կգամ ու կանգ չեմ առնի։ Իսկ Եռաբլուրում ինչքան հող կար փորվելու, փորվել է, ինչքան տեղափոխելու էր՝...

Վաղարշյան փողոցում երիտասարդը փաթեթներ է նետել և փորձել դիմել փախուստի. ՆԳՆ

Վաղարշյան փողոցում երիտասարդը փաթեթներ է նետել և փորձել դիմել փախուստի. ՆԳՆ

Համայնքային ոստիկանության Արաբկիրի բաժնի ծառայողները նոյեմբերի 16-ին մայրաքաղաքի Վաղարշյան փողոցում ծառայություն կատարելիս նկատել են մի երիտասարդի, որը տեսնելով ոստիկաններին՝ փաթեթներ է նետել և փորձել դիմել փախուստի։ Համայնքային ոստիկանները ապօրինի թմրամիջոց ձեռք...