Փաստաբան Վահան Հովհաննիսյանը ֆեյսբուքյան գրառումը․ «Քաղաքական հետապնդումներին զուգահեռ, վերջին երկու օրերի ընթացքում ՔԿ ՀԿԳ ՔԳ վարչությունը բացահայտել էր առերևույթ ծանր հանցագործություններ կատարած մի հանցավոր խումբ։ Խմբի անդամներից մեկին մենք ենք պաշտպանում։
Այսօր Երևան քաղաքի առաջին ատյանի դատարանի Աջափնյակ նստավայրում քննվում էր մեր պաշտպանյալի՝ ենթադրյալ հանցավոր խմբի անդամին կալանավորելու վերաբերյալ միջնորդությունը։ Մեկ օր տևած քննարկումից հետո, Դատարանը որոշեց մերժել քննիչի միջնորդությունը։
Հիմա տեսեք։ Մեր պաշտպանյալը ենթադրյալ հանցավոր խմբի անդամ էր, հանցավոր խմբի անդամներին մեղագրվում էր ծանր հանցանքների կատարում, բայց․․․ Դատարանը մերժեց միջնորդությունը․ գիտե՞ք խի, որովհետև գործը քաղաքական չէր, ուստի իրավաբանություն կար, ուստի մենք հանդես եկանք որպես իրավաբաններ, փաստաբաններ, ուստի Դատարանը անկաշկանդ ու օբյեկտիվ քննություն կատարեց, ուստի միջնորդությունը մերժվեց։
44-օրյա պատերազմում զոհված հերոսի հայր Արա Ռոստոմյանը չգործած հանցանքի համար անազատության մեջ է արդեն 16 օր։ Ինչ լավ կլիներ, եթե Արա Ռոստոմյանին մեղսագրվեր ամենավտանգավոր հանցավոր խմբի կազմում կատարված ծանրագույն հանցագործություն։ Այդ ժամանակ գործում քաղաքական ենթատեքստ չէր լինի, մենք մեզ իրավաբան կզգայինք, դատարանն էլ անկաշկանդ ու օբյեկտիվ քննություն կկատարեր ու Արա Ռոտոմյանը չէր կալանավորվի։
Երանի»։
