Ջրաշեն գյուղից Վանաձորի բժշկական կենտրոն է տեղափոխվել մեկ քաղաքացի՝ Արեն Վարդանյանը։ Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ նա այսօր տեղի ունեցած միջադեպի կասկածյալն է, ով դանակահարել է 3 անձանց։ Վարդանյանը ՀՀ ՊՆ ռազմական ոստիկանության ծառայող է։

Նախնական տեղեկություններով՝ դեպքը տեղի է ունեցել Ջրաշենի նախկին վարչական ղեկավարի տան մոտ, որտեղ արնանման հետքեր են հայտնաբերվել։

Դեպքի վայրում հավաքված մի քանի քաղաքացիներ պատմել են, որ վեճը ծագել է ավտոմեքենաներն արագ վարելու կամ չկայանելու հարցի շուրջ, ինչն էլ դանակահարության պատճառ է դարձել։