«Այս տարվա ամենալավ կողմը՝ ցրտահարություններ չեղան և չեն սպասվում»,- գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանը։
Երեկ ասուլիսում Սուրենյանը հայտնել է, որ այս տարվա ապրիլին օդի ամսական միջին ջերմաստիճանը հանրապետության ողջ տարածքում կանխատեսվում է կլիմայական նորմայից բարձր՝ 1-2 աստիճանով, տեղումների քանակը՝ նորմայի սահմաններում, այսինքը մեզ սպասվում է տաք և բավարար տեղումներով ապրիլ։ Նա նշել է, որ ապրիլին գերակշռելու է հարավային լայնություններից ներթափանցող պրոցեսները, բայց չի բացառվում, որ հատկապես ամսվա վերջին օրերին ունենանքն արկտիկական ցուրտ հոսանքների ներխուժում։
