Նախօրեին ուշ գիշերով Կենտրոնական ընտրական հանձնաժողովը որոշում է կայացրել երկու ընտրատեղամասերում ընտրությունների արդյունքները անվավեր ճանաչելու վերաբերյալ։ Այս մասին այսօր՝ հունիսի 12-ին, մամուլի ասուլիսի ընթացքում հայտարարեց ԲՀԿ մամուլի քարտուղար Իվետա Տոնոյանը։
«Մենք, իհարկե, շատ լավ հասկանում ենք, և մեր ամբողջ քաղաքական թիմը, հանրությունը, մեր գործընկերները բոլորը շատ լավ հասկանում են, որ սա ոչ այլ ինչ է, քան բոլոր հնարավոր և անհնարին միջոցներով արգելել «Բարգավաճ Հայաստան» կուսակցությանը մուտք գործել Ազգային ժողով։ Սա ոչ այլ ինչ է, քան ուղղակի և էական ազդեցություն և ներգործություն ընտրական գործընթացների վրա, ինչպես նաև ընտրությունների արդարությունը, թափանցիկությունը և ընդհանրապես լեգիտիմությունը վիճարկող գործընթաց է երեկ տեղի ունեցել»,- նշեց նա։
Մանրամասն՝ տեսանյութում։
