Հուլիսի 12-ից մինչ օրս մեր երկիրն անդադար գտնվել է արևադարձային տաք օդային հոսանքների ազդեցության գոտում»,- մամուլի ասուլիսում ասաց Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։
Ասաց, որ հուլիս ամսին Հանրապետության հյուսիսային շրջաներում թափվել է տեղումների ամսական քանակի 100-170 տոկոսը։ Նաև ունենք հատվածներ, օրինակ Արարատի հատվածում, տեղումների քանակը կազմել է ամսական նորմայի 4 տոկոսը, իսկ Մեղրիում ընդհանրապես տեղումներ չեն եղել։
Գագիկ Սուրենյանը նշեց, որ տաք օդի հոսանքի պիկը Երևանում գրանցվել է օգոստոսի 2-ին՝ +41,9, իսկ Արենիում՝ 42,6 աստիճան։
Տաք օդի ալիքի դեպքում դեռևս մեր պատմական առավելագույնը չի գերազանցվել։ Հանրապետությունում պատմական առավելագույնը դիտվել է 2011 թվականի հուլիսի 31-ին Մեղրիում՝ 43,7 աստիճան, իսկ Երևանում դիտվել է 2018թ․ հուլիսի 12-ին 42,4 աստիճան։ Դեռևս պատմական առավելագույնների գերզանցումներ չունենք։
Մանրամասն՝ տեսանյութում։
