«Այս պահին Ադրբեջանում գտնվող բոլոր հայերը քրիստոնյաներ են և ապօրինաբար են պահվում։ Հակամարտությունն ավարտված է, և եթե հակամարտությունը լիներ այլ երկրում, որտեղ այլ կրոն դավանեին, արդյոք մարդասիրական իրավունքի՝ անհապաղ ազատ արձակելու պահանջը կհարգվե՞ր, թե՞ չէր հարգվի։ Ամենայն հավանականությամբ կհարգվեր, թեկուզ համերաշխությունից ելնելով՝ ավելի հեշտությամբ այդ հարցերը իրենց հանգուցալուծումը կստանային։

Եվ մյուսը՝ մենք տեսել ենք թիրախավորված գործողություններ կրոնական խորհրդանիշների առնչությամբ։ Օրինակ՝ և սա նաև միջազգային զեկույցներում արձանագրված փաստ է, խաչի դաջվածքների պարագայում դրանք այրվել են, այսինքն՝ մաշկի վրայից խոշտանգման ճանապարհով վերացվել է խաչը։ Կամ, թեև որոշ սահմանափակ գրքեր տրամադրվել են հայ բանտարկյալներին, սակայն արգելվել է Աստվածաշնչի փոխանցումը։ Եղել են նաև դեպքեր, երբ մենք արձանագրել ենք, որ հարկադրել են Ղուրան ընթերցել»,- այս մասին այսօր՝ սեպտեմբերի 4-ին, հայտարարեց ՄԻԵԴ-ում հայ գերիների շահերի ներկայացուցիչ Սիրանուշ Սահակյանը։

Մանրամասն՝ տեսանյութում։