Տեղի է ունենում ԱԺ Պետական-իրավական հարցերի մշտակական հանձնաժողովի նիստ։ Օրակարգում 6 հաարց է, այդ թվում՝ «Հայաստան» խմբակցության ներկայացրած՝ Հայաստանի Հանրապետությունում ժողովրդավարության հետընթացը, քաղաքական հալածանքների ենթարկվող անձանց իրավունքների պաշտպանությունը և իրավական երաշխիքները վերնագրով հայտարարությունը։
«Հայտարարության ընդունման համար հիմք են հանդիսացել Հայաստանի Հանրապետությունում ստեղծված իրավական և ժողովրդավարական ակնհայտ հետընթացը, օրեցօր ահագնացնող քաղաքական բռնաճշումները, որոնց հետևանքով հարյուրավոր քաղաքացիներ բացահայտ կամ քողարկված ձևով ենթարկվում են քաղաքական հետապնդումների՝ ապօրինի քրեական վարույթներով ներգրավվելով որպես մեղադրյալներ։
Շատերի նկատմամբ իրականացվել և շարունակվում են միջազգային իրավունքով և ՀՀ սահմանադրությամբ երաշխավորված ազատությունների անհիմն սահմանափակումներ, շատերն, առանց օրինական դատական ակտերի, գտնվում են անազատության մեջ՝ քրեակատարողական հիմնարկներում կամ տնային կալանքի ներքո և այլն: Ճնշող դեպքերում հիմնական շարժառիթը քաղաքացիների քաղաքական հայացքներն են կամ քաղաքական գործունեությունը:
Ազգային ժողովի կողմից, իբրև առաջնային մանդատով օժտված, ժողովրդի բարձրագույն ներկայացուցչական մարմնի, առաջարկվում է ընդունել սույն հայտարարությունն ու քաղաքական հստակ դիրքրոշում դրսևորել ներկա անթույլատրելի և մերժելի իրավիճակի նկատմամբ։
Կարծում ենք՝ արձանագրվող գնահատականներն իրավասու մարմիններին ու պաշտոնատար անձանց ուղղված զգոնության կոչ են և հնարավորություն՝ վերանայելու իրենց ոչ իրավաչափ վարքագիծը, վերականգնելու իշխանության ճյուղերի անկախությունն ու խաթարված հավասարակշռությունը»,- նշվում է հիմնավորման մեջ։
Նիստն առաջարկում ենք դիտել ուղիղ հեռարձակմամբ։
