Դատավոր Մասիս Մելքոնյանը որոշեց երկու ամսով կալանավորել Միքայել արքեպիսկոպոս Աջապահյանին՝ Նիկոլ Փաշինյանի դեմ ելույթ ունենալու համար։
Դատարանի բակում հավաքվածները դժգոհություն ու հիասթափություն հայտնեցին որոշման դեմ։
«Դուք ո՞ւմ եք ծառայում ընդհանրապես, Միքայել Սրբազանն արքեպիսկոպոս է, վարչապետից էլ բարձր է, հոգևոր առաջնորդ է»,- վրդովվեց հոգևորականներից մեկը։
«Պաշտոնները հավերժ չեն, մարդիկ էլ հավերժ չեն։ Նույն դատավորը հոգին տալուց պետք է հիշի այս ամենը»,- ասաց մեկ այլ հոգևորական։
Նշենք, որ Շիրակի թեմի առաջնորդ Միքայել արքեպիսկոպոսի նկատմամբ քրգործ է հարուցվել ՀՀ քրեական օրենսգրքի 422-րդ հոդվածի 2-րդ մասով (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչեր)։
