«Հայաստան» խմբակցության պատգամավոր Լիլիթ Գալստյանը ֆեյսբուքյան էջում գրել է. «ՆԱՎԹԱՀՈՏ ԱՐԴԱՐԱԴԱՏՈՒԹՅՈՒՆ, ԱՍԵԼԻՔ ՉՈՒՆԻ՞ ՊԱՇՏՈՆԱԿԱՆ ՀԱՅԱՍՏԱՆԸ
«Ադրբեջանի կողմից Ռուբեն Վարդանյանի կալանավորումը կամայական չէ»․ այսպիսի եզրակացություն էր հրապարակել ՄԱԿ-ի Անձանց կամայական կալանավորման հարցերով աշխատանքային խումբը (UNWGAD), որի նախագահը Գաննա Յուդկիվսկան է։
Այս առթիվ օրերս ուշագրավ փորձագիտական եզրակացություն հրապարակեց Միջազգային քրեական դատարանի առաջին դատախազ Լուիս Մորենո Օկամպոն, բացահայտելով՝
․ որ աշխատանքային խմբի ղեկավար Գաննա Յուդկիվսկան Ադրբեջանի նավթային SOCAR ընկերության հետ գործընկերային և ֆինանսական հարաբերություններ ունի։
․ Յուդկիվսկայի ամուսինը՝ ԵԽԽՎ նախկին պաշտոնյա է, ուկրաինացի քաղաքական գործիչ՝ ծնունդով Բաքվից,
ներկայումս կոռուպցիոն սկանդալի կիզակետում է որպես մեղադրյալ,
մշտապես պրոադրբեջանական-պրոալիևյան դիքորոշումներ է պաշտպանել։
Օկամպոյի բացահայտումները՝
․ ՄԱԿ-ի աշխատանային սկզբունքների խախտում են,
․ Յուդկիվսկան թաքցրել է իր առնչությունները Բաքվի /SOCAR-ի/ հետ,
․ ինքնաբացարկ չի հայտնել,
․ մասնակցել է ակնհայտորեն կողմնակալ՝ 46/2024 որոշման, կայացմանը՝ Վարդանյանի կալանավորման հարցում կողմնակալ որոշում է կայացրել։
Ահա այսպիսի նավթահոտ միջազգային արդարադատություն։
Արժանապատիվ և ազգային իշխանությունն այս հանգամանքներն անմիջապես միջազգային օրակարգի և բողոքարկման հարց կդարձներ»։
Բյուրեղավանում թմրամիջոց ձեռք բերելու և իրացնելու կասկածանքով 29-ամյա կին է ձերբակալվել
Քրեական ոստիկանության թմրամիջոցների ապօրինի շրջանառության դեմ պայքարի վարչության ծառայողները հերթական օպերատիվ տեղեկությունն իրացնելիս համագործակցեցին Կոտայքի մարզի քրեական ոստիկանների հետ։ Օգոստոսի 27-ին՝ ժամը 13-ին, թմրամիջոց ձեռք բերելու և իրացնելու կասկածանքով...
