«Երբ 2025-ին եկամտահարկի վերադարձի օրենքի գործողությունը դադարեց, մենք Երևանում լուրջ խնդիր ունենք, բազմաթիվ շենքերի շինարարությունն արդեն կանգնել է։ «Սահակյան շինը», ոչը Ծիծեռնակաբերդի խճուղին պետք է ավարտեր, կանգնել է, տասնյակ շենքեր կան, որ չեն շարունակում կառուցել, որովհետև ժողովուրդը չեն կարողանում տներ գնել»,- Երևանի ավագանու նիստի ժամանակ ասաց «Ազգային առաջընթաց» խմբակցության անդամ Պեդրո Զարոկյանը։
Նա շարունակեց․ «Այստեղ լուրջ խնդիր է, որովհետև Կենտրոնական բանկը 6.75%-ով վարկեր է տալիս բանկերին, բայց բանկերը մի 10% էլ ավելացնում են վրան, մինիմում 15, 16, 17, մինչև 20, 25%-ով հիփոթեքային վարկեր են տալիս ժողովրդին։ Իսկ այլ, զարգացած երկրներում, կենտրոնական բանկը 4–4.5 տոկոսով է տալիս, բանկերը 0.5–1.5 տոկոս են ավելացնում և ժողովրդին վարկեր են տալիս 20-30 տարով։
Հիմա ես ուզում եմ հարցնել, արդյոք այստեղ դուք կոռուպցիա գործարքներ չեք տեսնում կենտրոնական բանկից և բանկերի մենաշնորհային դիրքերով պայմանավորված։ Այո, պարոն Ավինյանն, աչքերն է ֆռռացնում։ Այսպես երկիրը չի կարող շարունակի, այս փուչիկը պայթելու է վերջապես, ու առաջինը Երևանն է տուժելու»։
Մանրամասն՝ տեսանյութում։
