Վերջին երկու օրերին Հայաստանը գտնվում էր Միջերկրական ծովից ներթափանցած ցիկլոնի ազդեցության գոտում, ինչի արդյունքում առանձին հատվածներում դիտվել են կարճատև անձրևներ։ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանը հայտնում է, որ առաջիկա ժամերից սկսած այդ ցիկլոնն ամբողջությամբ դուրս կգա Հայաստանի տարածքից՝ իր տեղը կրկին զիջելով հարավ արևմուտքից ներթափանցող տաք օդային հոսանքներին, որոնք մինչև ամսվա վերջին օրերը կմնան Հայաստանի տարածքում։
«Առաջիկա ժամերին անձրևները կդադարեն, առաջիկա 10 օրերին մեր երկրում կլինի արևառատ, առանց տեղումների եղանակ, օդի ջերմաստիճանը նոյեմբերի 18-19-ին կբարձրանա մոտ 3-4 աստիճանով, այնուհետև կմնա անփոփոխ։
Նոյեմբերի երրորդ տասնօրյակը կրկին կլինի բավականին տաք, սակավատեղում»,- ասաց Սուրենյանը։
