ԱՄՆ-ին պատուհասած փոթորկի զոհերի թիվը հասել է 36-ի։ Այս մասին հայտարարել է Միացյալ Նահանգների նախագահ Դոնալդ Թրամփը։
«Մենք ակտիվորեն հետևում ենք սաստիկ տորնադոներին և փոթորիկներին, որոնք հարվածել են հարավային և միջինարևմտյան շատ նահանգներին. 36 անմեղ մարդ է զոհվել»,-գրել է նա իր Truth Social էջում:
Ամերիկյան լրատվամիջոցների փոխանցմամբ՝ աղետի զոհ են դարձել Ալաբամա, Արկանզաս, Միսսուրի, Կանզաս, Միսիսիպի, Օկլահոմա և Տեխաս նահանգների բնակիչներ։
Թրամփը հավելել է, որ ԱՄՆ Ազգային գվարդիայի ստորաբաժանումները տեղակայվել են Արկանզաս նահանգում՝ օգնելու վերացնել ավերածությունների հետևանքները և օգնություն տրամադրել տեղական իշխանություններին:
