ԱՄՆ նախագահ Դոնալդ Թրամփը սպառնացել է, որ եթե Իրանը կրկին հարվածի Քաթարին, ԱՄՆ-ն կոչնչացնի «Հարավային Փարս» հանքավայրն այնպիսի ուժով, որն Իրանը երբեք չի տեսել։
«Իսրայելն այլևս հարձակումներ չի իրականացնի այս չափազանց կարևոր և արժեքավոր հանքավայրի՝ «Հարավային Փարսի» վրա, եթե Իրանը չընդունի անխոհեմ որոշում՝ հարձակվելու Քաթարի վրա։ Այդ դեպքում Միացյալ Նահանգները, Իսրայելի օգնությամբ կամ համաձայնությամբ կամ առանց դրա, զանգվածաբար կպայթեցնի «Հարավային Փարսի» գազի հանքավայրն ամբողջությամբ այնպիսի ուժով և հզորությամբ, ինչպիսին Իրանը երբեք չի տեսել կամ զգացել», — գրել է Թրամփը TruthSocial-ում։
Հիշեցնենք, որ նախօրեին Իսրայելը հարվածել էր «Հարավային Փարս» գազի հանքավայրին։ Ավելի ուշ Իրանը հարվածներ է հասցրել իր Պարսից ծոցի հարևանների էներգետիկ օբյեկտներին՝ այդ թվում Քաթարի Ռաս Լաֆանի հեղուկացված բնական գազի արտադրական օբյեկտին։
