ԱՄՆ-ի Կենտրոնական հրամանատարությունը (CENTCOM) դիմել է Պենտագոնին՝ խնդրելով ավելի շատ ռազմական հետախուզության սպաներ ուղարկել Ֆլորիդայում գտնվող իր շտաբ՝ Իրանի դեմ գործողություններին աջակցելու համար առնվազն 100 օր, սակայն հավանաբար մինչև սեպտեմբեր, գրում է Politico-ն։
Ինչպես նշում է պարբերականը, սա վարչակազմի կողմից նմանատիպ առաջին խնդրանքն է՝ Իրանի հետ պատերազմի համար լրացուցիչ հետախուզական անձնակազմ տրամադրելու վերաբերյալ, և դա նշան է, որ գործողությունը կարող է տևել շատ ավելի երկար, քան նախագահ Թրամփի կողմից սկզբում սահմանված չորսշաբաթյա ժամկետը։
Մարդկանց և ռեսուրսների շտապ ներգրավումը՝ աջակցելու այնպիսի գործողություններին, որոնք սովորաբար կազմակերպվում են ԱՄՆ-ի ռազմական գործողություններից շատ առաջ, ընդգծում է, որ Թրամփի թիմը լիովին չէր կանխատեսել այն լայնածավալ հետևանքները, որոնք կարող էր ունենալ պատերազմը, որը նա սկսել է Իսրայելի հետ միասին։
