Աշտարակցի տարեց առևտրական կինը դժգոհում է իշխանության հարկային քաղաքականությունից։ Marz News-ի հետ զրույցում միրգ-բանջարեղենի առևտրով զբաղվող տատիկը խոսում է խնդիրներից։
«Ընդամենը 1500-3000 դրամի առևտուր եմ անում, 10 տոկոսը տալիս եմ իրենց, ինձ 5 կամ 3 տոկոս չի մնում։ 75 տարեկան կին եմ, ստիպված կանգնել եմ, որ մի հացի փող ստեղծեմ, բայց դա էլ չկա, թողնեմ, տանը նստեմ, ո՞վ է բերելու տա․ ոչ մեկը։ Շատ դժգոհ ենք։
Իմ ծախած ապրանքն ի՞նչ է, չնչին կոպեկներ են, ամբողջ օրը նստած՝ 1000-1500 դրամի առևտուր եմ անում, 1000 դրամը պետք է իրենց տամ, 3000 դրամ էլ պետք է բանկին մուծեմ, որ քարտով չեմ աշխատում, 1800 դրամ ՀԴՄ-ին փող էինք տալիս, հիմա դարձրել են 3800 դրամ։ Ես որ շատ դժգոհ եմ։
Այս 7 տարին մեզ քանդեց, այն ժամանակ 3 կամ 1 տոկոս հարկ էինք տալիս, էլի կարողանում էինք տակից մի կերպ դուրս գալ, հիմա դա էլ չկա։
Ցավդ տանեմ, հիասթափված ենք, որ կողմը նայում ես՝ դժգոհում ես։ Երեխաս աշխատում է շինարարության վրա, ամբողջ օրը՝ կաշկեն, քարը, բետոնը, ավազը։ Գալիս, ասում է՝ մատերս, թևերս ցավում են, հանգիստ գործ եմ ուզում։ Ասում եմ՝ բալա ջան, հանգիստ գործը 5000 դրամ է, մենք դրանով ո՞ր ծակը փակենք։ Ամեն ինչը թանկացրեցին՝ վերմիշել, բրինձ, մենք տարվա մեջ մեկ անգամ միս կերած կա՞նք․ չէ՝ զատո չէ ամբողջ օրը՝ վերմիշել, մակարոն, բրինձ։ Հիմա որ դա էլ կա, դժգոհ չենք, բայց դա էլ չենք կարողանում ստեղծել»։
Մանրամասն՝ տեսանյութում։
