«Պարոն Փաշինյան, բուլդոզերը մի մեքենա է, որը նախատեսված է հողը փորելու, քանդելու և տեղափոխելու համար։ Երեկ սպառնում էիք՝ ասացիք՝ բուլդոզերով կգամ ու կանգ չեմ առնի։
Իսկ Եռաբլուրում ինչքան հող կար փորվելու, փորվել է, ինչքան տեղափոխելու էր՝ տեղափոխվել է, ինչքան քանդելու էր՝ քանդվել է։ Հերիք չէ՞ այդ ամենը։ Ձեր ատելության, սպառնալիքների դոզան, այդ կիրքը մինչև ո՞ւր է հասնելու։ Ուզում ենք հասկանալ։
Դուք արդեն որերորդ անգամ է՝ նայում եք հայ մարդու աչքերի մեջ և առանց աչքը թարթելու ասում՝ «Բա դու ինչո՞ւ չես զոհվել»։ Ենթադրենք՝ իրենք էլ զոհվեին, դա Ձեզ ի՞նչ էր տալու։ Ընդհանրապես Ձեր քյարը ո՞րն է, ուզում եմ հասկանալ։
Դուք Դուբլինում Ալիևին հարցրե՞լ եք՝ բա դու հորդ հետ խի՞ չես մեռել։ Հարցրե՞լ եք նրան։ Ինչո՞ւ եք անընդհատ հայերին ասում։
Ընդհանրապես, կներեք արտահայտությանս համար, բա դուք ինչո՞ւ եք սաղ՝ Կոնջորյանը, Խանդանյանը, Արայիկ Հարությունյանը, Վահան Կոստանյանը, չծառայածներով և ընդհանրապես ձեր թիմով ինչո՞ւ եք սաղ։
Ութ տարի է՝ սպառնում եք՝ «կկզցնեմ», «կսատկացնեմ», «ասֆալտին լիզել կտամ», «կդոմփեմ»։ Ինչքան խուժանական սպառնալիք կա, ասել եք։ Ձեր նախորդ ճեպազրույցում էլ ասացիք՝ «բոլորի ձեռքը կջարդենք, պետք լինի՝ նաև աթոռով»։ Բայց Ձեր մազն անգամ չի ծռվել։ Ես ասացի՝ կարող է Զվարթնոցից գաք, այսպես բերման ենթարկվեք, բայց Ձեզ ոչինչ չի եղել»,- այս հարցը լրագրողներից մեկն ուղղեց Նիկոլ Փաշինյանին։
Մանրամասն՝ տեսանյութում։




