«Արսեն Գևորգյանի մահը, ըստ էության, հերթական ահազանգն է, որ Հայաստանում իշխանություններն այլևս չեն կարող խուսափել պատասխանատվությունից։

Ուզում եմ հիշեցնել ոչ վաղ անցյալում տեղի ունեցած ևս երկու դեպք։ Խոսքը դատական նիստերի դահլիճում այս իշխանության կոշտ քննադատ, ռեժիսոր և պրոդյուսեր Արմեն Գրիգորյանի մահվան մասին է, ինչպես նաև քաղաքական հայացքներ ունեցող և որոշակի քաղաքական կուսակցություն ներկայացնող Մհեր Եղիազարյանի մահվան մասին, որը կուսակցության նախագահն էր։ Վերջինս փաստացի մահացավ հացադուլի պայմաններում՝ հացադուլից հետո ունենալով առողջական խնդիրներ։ Նրա առողջական վիճակի վերաբերյալ ահազանգում էին ոչ միայն փաստաբանները, այլև տարբեր հասարակական գործիչներ, սակայն Հայաստանի Հանրապետությունում գործող իրավական համակարգի կողմից մնաց անտեսված և մահացավ։

Այս բոլոր դեպքերը խիստ մտահոգիչ են, հատկապես այն առումով, որ քաղաքական բարձր պաշտոններ զբաղեցնող անձինք, մասնավորապես՝ Սրբուհի Գալյանն ու գլխավոր դատախազ Աննա Վարդապետյանը, բացարձակ անպատասխանատու վարքագիծ են դրսևորում»,- այս մասին, այսօր՝ նոյեմբերի 12–ին, իշխանությունների կողմից քաղաքական հետապնդումների թեմայով հրատապ ասուլիսում ասաց ԱԺ նախկին պատգամավոր Աննա Կոստանյանը։

Մանրամասն՝ տեսանյութում։