Ադրբեջանը կրկին իրավական պարտություն է կրել Մարդու իրավունքների եվրոպական դատարանում։ Վարչապետի աշխատակազմի միջազգային իրավական հարցերով ներկայացուցչի գրասենյակի նախկին ղեկավար Լիպարիտ Դրմեյանի տեղեկացմամբ՝ ՄԻԵԴ-ի Մեծ պալատը մերժել է 2016 թվականի ապրիլյան քառօրյա պատերազմի իրադարձությունների վերաբերյալ հայ դիմումատուների հայցերով կայացված վճռի դեմ Ադրբեջանի ներկայացրած բողոքը։
Սույն որոշմամբ հունիսի 18-ին կայացված վճիռը վերջնականապես մտել է ուժի մեջ՝ սահմանելով կարևոր նախադեպ նմանատիպ այլ գործերի քննության համար։ Մեկնաբանելով Բաքվի գործողությունները՝ Դրմեյանը նկատել է, որ չնայած Ադրբեջանը պաշտոնապես հրաժարվում է ճանաչել ՄԻԵԴ-ի իրավասությունը և սառեցրել է հարաբերությունները Եվրոպայի խորհրդի նախարարների կոմիտեի հետ, այդուհանդերձ փորձում է օգտվել միջազգային ատյանների իրավական ընթացակարգերից, երբ դա բխում է իր շահերից։
Նշենք, որ ՄԻԵԴ-ի 2026 թ. հունիսի 18-ի վճռով Ադրբեջանը պարտավոր է՝
-
Հայ դիմումատուներին վճարել 90 հազար եվրո փոխհատուցում՝ ոչ նյութական վնասի դիմաց։
-
Կատարել ՄԻԵԴ-ի վճռով սահմանված պարտավորությունները։
-
Ապահովել վճռի կատարումը Եվրոպայի խորհրդի նախարարների կոմիտեի վերահսկողության ներքո։
Նոյեմբերի 2-ին բողոքի մերժումից հետո հունիսի 18-ի վճիռը դարձավ վերջնական և պարտադիր կատարման ենթակա։
